Dawqdaq 8:34 - Akha

³⁴ Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Ngaq-anr narhaq-eu laer nan-anr nae, ngaq-euq ghovkhaeq-anr haw-awr, Ngaq-euq larghov baq-anr lof-eu tsawrhaq-aq, guiqlanqhuiq taef-a.

Dawqdaq 8:34 ပူးပေါင်းရင်းမြစ်များ

1 Sahˬpaˬ 10:8

Nawˬ-euˬ miˬ zaˬ deuˬ aˇ naˆ ni guiˬ lahˬ huiˬ-eu nga. Aˬ myah luꞈ nawˬ-euˬ dawˬ peh ya jawˇ-awˇ, zaˬ siˬ tsawˇ gahˇ ahˇ-eu nawˬ-euˬ dawˬ deuˬ-ahˇ ya gaˬ-eu nawˬ-euˬ zaˬ kʼaˆ deuˬ aˇ naˆ ni guiˬ lahˬ huiˬ-eu nga.

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Jaceuq 92:13

Sahˬpaˬ Miˬyehˇ-euˬ nymˇ laꞈ kʼoeˇ ka taˬ-awˇ, aˬ dui-euˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ mehˇ laˇ-eu laꞈ kʼoeˇ,

Doˆ-iˇ 12:7

Jeˬ zaˬ sehꞈ-awˇ dzaˬ-eu lehˇ lehˬ hmˬ taˬ-euˬ nymˇ deuˬ-euˬ nymˇ laˇ gʼoˆ kʼoeˇ dzeˇ heu dzeˇ jaˆ-eu laˇ gʼoˆ bahˬ hawˇ-eu laˇ gʼoˆ-euˬ kʼoeˇ taˆ paw dzaˬ-ahˇ, jeˬ zaˬ-euˬ shiˬ ui cuiˆ aˬ yawꞈ maꞈ ya lehꞈ meh.

Dawqdaq 1:21

Tsawˇ haˬ kʼaˇ uiˬ leˇ gaˇ guˇ-awˇ, lahˇ kʼehˬ doe ni dawˬ ngehˬ luꞈ meh.

Dawqdaq 3:13

Zaˬ siˬ tsawˇ gahˇ-ahˇ poˆ mawˇ-awˇ, noeˬ siˬ noeˬ mawˇ nya-eu jeˬ-ahˇ za-euˬ tsawˇ haˬ, guiˬ lahˬ huiˬ-eu meh.

Dawqdaq 3:18

Zaˬ siˬ tsawˇ gahˇ-ahˇ kʼaˇ tuˆ tehˬ taˬ-euˬ deuˬ, dehꞈ-eu saꞈ laˇ aˇ bawˇ-ahˇ tuˆ tehˬ taˬ gaˇ duˇ-awˇ, aˬ yawꞈ-ahˇ ziꞈ dah ni kʼaˇ tuˆ tehˬ taˬ-euˬ deuˬ-ahˇ, laˬ kʼaˬ cehˇ-eu jeˬ byah-eu tsawˇ haˬ lehˇ kuˇ-eu meh.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 10:39

Maˬta-euˬ aˬ nyiˇ Maˬliˇ lehˇ myahˇ-euˬ zaˬ miˬ zaˬ tiˬ gʼaˬ jawˇ-eu meh. Maˬliˇ-aˬ, Sahˬpaˬ Yeˬsuˇ-euˬ aˬ kuiˇ dawˬ peh nuiˇ-awˇ, Yeˬsuˇ mehˬ nehˬ tsoˆ nehˬ gaˇ naˇ haˬ luꞈ-eu meh.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.