Dawqdaq 8:27 - Akha

²⁷ Aˬ yawꞈ mˬ ciˬ daˆ ngeh ngaˇ jawˇ-awˇ, iˬ ma laˆ shaˆ kʼoeˇ taˆ mˬ dzeˇ miˇ dzeˇ dehˬ biˇ ngeh ngaˇ jawˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Miqyaer, mq bi javlar ngae, ngar khoergar jawr-awr, Naf-eu iqmalavshav-euq khoertav kawvjawq ngae, ngar jawr-euq ma.

Dawqdaq 8:27 ပူးပေါင်းရင်းမြစ်များ

Yawˇbaˆ 26:10

Iˬ ma laˆ shaˆ kʼoeˇ taˆ yaw zah zah-ehˇ aˬ yawꞈ kawˆ boꞈ-awˇ, yaw shehꞈ hawˇ-eu yaw zahˇ biˇ paˆ-euˬ meh.

Jaceuq 103:19

Sahˬpaˬ Miˬyehˇ-aˬ, aˬ yawꞈ-euˬ dzoeˬ dzaˬ nuiˇ mahˬ mˬ kʼoeˇ taˆ bi jaˆ-awˇ, dawˬ tawˆ kʼoeˇ taˆ sahˬ paˬ geuꞈ luꞈ-eu meh.

Jaceuq 136:5

Aˬ yawꞈ-eu zaˬ siˬ tsawˇ gahˇ neh, mˬ-ahˇ aˬ yawꞈ beh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Dawqdaq 3:19

Sahˬpaˬ Miˬyehˇ aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ-ahˇ beh-euˬ meh. Aˬ yawꞈ-euˬ nui siˬ nui gahˇ-ahˇ gʼoe-awˇ, mˬ-ahˇ ciˬ tsaˬ taˬ-euˬ meh.

Dawqdaq 8:26

Miˇ tsaˬ hawˇ-eu deh ga-ahˇ Miˬ yehˇ maˬ beh mi naˆ-ehˇ, miˇ tsaˬ laꞈ kʼawˆ tiˬ kʼawˆ maˬ jaˆ le mi naˆ-ehˇ, ngaˇ jeˬ huˬ dehꞈ le-euˬ ma.

Dawqdaq 8:28

Mˬ-ahˇ mˬ dmˇ gʼoˆ ceuˬ-awˇ, iˬ ma laˆ shaˆ iˇ byoe beuˬ pehꞈ ngeh ngaˇ jawˇ-euˬ ma.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 40:22

Miˇ tsa haw ka leꞈ ngeh tsawˇ haˬ aˇ ho hui ni tehꞈ-ehˇ mawˇ-eu, mˬ taˆ goˇ dui dui gaˇ jaˆ-eu dzoeˬ dzaˬ nuiˇ mahˬ-ahˇ nuiˇ-eu gʼaˬ, miˇ tsaˬ tahˬ kʼawˇ-ahˇ beh-euˬ meh. Lawˆ kaˬ taw-euˬ loꞈ-ehˇ mˬ-ahˇ aˬ yawꞈ gʼeu taw-awˇ, saˬ paˇ sehˬ gʼawˆ loꞈ-ehˇ sheu joe-euˬ meh.

Yeˬlaˬmiˇ 10:12

Sahˬpaˬ Miˬyehˇ baoˬ-ahˇ gʼoe-awˇ, miˇ beh beh taˬ-euˬ meh. Aˬ yawꞈ-euˬ zaˬ siˬ nui gahˇ-ahˇ gʼoe-awˇ, miˇ maˬ sheu kʼawˬ-awˇ mˬ maˬ toˆ pyeh-euˬ meh.

Gawˇlawˇsehˇ 1:16

Aˬ jeˬ miˇ neh ehˇ naˇ, mˬ hawˇ-eu miˇ kʼoeˇ taˆ kʼaˇ jaˆ kʼaˇ jawˇ-eu jeˬ dawˬ tawˆ luꞈ maˬ ehˇ, mawˇ nya-eu jeˬ hawˇ-eu maˬ mawˇ nya-eu jeˬ maˬ ehˇ, mˬ hawˇ-eu miˇ yawˬ kaˬ-ahˇ uˆ lahˇ-eu yaw sahˇ deuˬ pyeuꞈ-eu baoˬ deuˬ hawˇ-eu sahˬ paˬ sahˬ ma dawˬ tawˆ luꞈ maˬ ehˇ, Ka li-ahˇ gʼoe-awˇ Miˬyehˇ neh beh taˬ-euˬ meh. kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ-ahˇ gʼoe-eu laꞈ kʼoeˇ beh taˬ-awˇ, aˬ yawꞈ-euˬ gʼaˇ duˬ beh taˬ-euˬ meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.