Dawqdaq 8:21 - Akha

²¹ ngaˬ-ahˇ gaˬ-eu deuˬ-ahˇ smˇ muiˬ bi muiˬ laˇ-awˇ, aˬ yawꞈ maꞈ-euˬ nymˇ-ahˇ pyuˇ shuiˇ myawˬ gahˬ bi byah laˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ngar, ngaq-anr gaq-eu deuq-anr smrmuiq muiq-eu jeqbir biof-awr, Ngar, aqyawf maf-euq myawqganq taqduq bi byanlar ma.

Dawqdaq 8:21 ပူးပေါင်းရင်းမြစ်များ

Aˇ dahˬ 15:14

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ kʼoeˇ jeuˬ-ahˇ ngaˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ-ahˇ neh aˬ yawꞈ maꞈ gʼoꞈ doˆ laˇ ngeh, pyuˇ shuiˇ myawˬ gahˬ gʼawˬ mya ni ya yuˇ kʼoꞈ laꞈ tehꞈ-a.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Dawqdaq 1:13

Pyuˇ shuiˇ myawˬ gahˬ yawˬ jeˬ na luꞈ za-awˇ, tahˇ joe joe za-euˬ myawˬ gahˬ deuˬ, iˇ kahˇ tiˬ byah baꞈ taˬ kaˇ-euˇ.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Dawqdaq 15:6

Tsawˇ muiˬ nymˇ jiˇ pyuˇ shuiˇ duˬ gahˬ maˬ byoˆ, tsawˇ doeˇ myawˬ gahˬ yaw sahˇ laˆ shaˬ mˇ jeˇ

Dawqdaq 21:20

Tsawˇ gahˇ byah-eu deuˬ dehꞈ poeˬ jawˇ poeˬ nya kʼawꞈ, aˬ dzawˬ aˇ gah deuˬ pyuˇ yaw kawˇ-ehˇ shehˆ dzeh-eu meh.

Dawqdaq 24:4

Zaˬ siˬ nui gahˇ ahˇ naˇ, aˇ poeˬ kʼaˆ-awˇ haw muiˬ-eu myawˬ gahˬ deuˬ, nymˇ ma bawˆ lawˆ byah laˇ-eu meh. -21-

Dawqdaq 6:31

Smˇ kʼoeˬ kʼoeˇ gʼaˬ bi nyehꞈ mi naˇ, shiꞈ bymˇ paˇ bi tsoeˬ-eu miˇ neh, aˬ yawꞈ kʼaˇ jaˆ-eu jeˬ ya biꞈ jiˇ gaˇ keuˆ tehꞈ-a.

Dawqdaq 8:18

Pyuˇ shuiˇ myawˬ gahˬ hawˇ-eu tsawˇ myahˇ doˆ-eu jeˬ ngaˇ biꞈ nya-awˇ, tsawˇ ziˇ gmˬ-eu baw le za le-eu jeˬ, ngaˇ jawˇ gaˇ jaˆ-eu ma.

Dawqdaq 8:20

Yaw tsaˬ yaw dawˇ gaˇ jawˬ-ahˇ ngaˇ cah-awˇ, yaw sui yaw dawˇ gaˇ ma-ahˇ ngaˇ iˇ-eu laꞈ kʼoeˇ,

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

1 Beˬtuˆluˆ 1:4

Kʼoeˇ baˬ da neh, Miˬyehˇ neh aˬ yawꞈ-euˬ tsawˇ haˬ deuˬ gʼaˇ duˬ bi jaˆ-euˬ muiˬ dui byah dui dui-eu guiˬ lahˬ-ahˇ za-eu yaw duˬ baw-eu ma. Maˬ buꞈ maˬ cehˇ-iˇ nya-eu, maˬ muiˬ maˬ shawˇ-eu jeˬ maˬ pyeuꞈ-iˇ nya-eu uˬ taꞈ, maˬ byoˆ maˬ laˆ-iˇ nya-eu guiˬ lahˬ kʼoeˇ, naw maꞈ gʼaˇ duˬ mˬ kʼoeˇ taˆ aˬ yawꞈ bi jaˆ-euˬ meh.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.