Dawqdaq 8:10 - Akha

¹⁰ Pyuˇ-ahˇ nui kʼahˇ jaˆ-eu naˆ maˬ tseˇ, ngaˬ neh mehˬ-euˬ tsoˆ-euˬ jeˬ-ahˇ nui kʼahˇ jaˆ-awˬ. Muiˬ dui dui-eu shuiˇ-ahˇ gaˬ-eu naˆ maˬ tseˇ, zaˬ siˬ tsawˇ gahˇ-ahˇ gaˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Pyur-anr navmaqtser, ngaq-euq maeqdawq tsovdawq-anr hageuf-awr, Muiq-eu shuir-anr navmaqtser, siqnya-eu tsawrganr-anr hageuf-awq.

Dawqdaq 8:10 ပူးပေါင်းရင်းမြစ်များ

Yawˇbaˆ 28:15

Pyuˇ hawˇ-eu shuiˇ neh zaˬ siˬ tsawˇ gahˇ maˬ zeuˇ za nya-a.

Yawˇbaˆ 28:17

Zaˬ siˬ tsawˇ gahˇ-aˬ, shuiˇ naˆ maˬ tseˇ aˇ poeˬ kʼaˆ-awˇ, shuiˇ myawˬ guˇ hawˇ-eu muiˬ dui dui-eu kʼaw teuꞈ ba la sehˇ neh maˬ paˇ za nya-a.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 119:162

Nawˬ-euˬ saˇ jaˇ baˬ da neh ngaˇ aˇ naˆ ni laˬ kʼaˬ ya cehˇ-eu nga. Pyuˇ pahˬ shuiˇ pahˬ mawˇ-euˬ deuˬ naˆ ni laˬ kʼaˬ cehˇ-eu ma.

Jaceuq 119:72

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ naˆ maˬ tseˇ, nawˬ neh biꞈ laꞈ-eu zahˇ dawˬ kʼoꞈ dawˬ aˇ poeˬ kʼaˆ dzehˬ nya.

Dawqdaq 10:20

Tsawˇ muiˬ-euˬ dawˬ pyuˇ naˆ maˬ tseˇ poeˬ-awˇ, tsawˇ doeˇ-euˬ nui ma aˇ poeˬ maˬ baw-a.

Dawqdaq 16:16

Zaˬ siˬ tsawˇ gahˇ poˆ-eu-aˬ, shuiˇ-ahˇ poˆ-eu naˆ maˬ tseˇ poeˬ-awˇ, noeˬ siˬ noeˬ mawˇ nya-eu jeˬ-ahˇ za-eu-aˬ, pyuˇ poˆ za-euˬ naˆ maˬ tseˇ gaˇ dahˇ tsoeˬ-eu meh.

Dawqdaq 20:15

Sehˇ hawˇ-eu shuiˇ poeˬ dui dui kʼawꞈ, zaˬ siˬ tsawˇ gahˇ mehˬ luˬ-ahˇ maˬ keuˆ-a.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Dawqdaq 8:19

Muiˬ dui dui-eu shuiˇ naˆ maˬ tseˇ poeˬ-eu jeˬ hawˇ-eu, shawˇ jehˆ ni gʼeh-eu pyuˇ naˆ maˬ tseˇ poeˬ-eu jeˬ, naw maꞈ-ahˇ ngaˇ biꞈ nya ma.

Dawˬ tsoˆ 7:11

Zaˬ siˬ tsawˇ gahˇ poeˬ kʼaˆ jeˬ biˇ, nahˇ ma kʼaˇ mawˇ-eu tsawˇ haˬ-ahˇ, muiˬ-eu guiˬ lahˬ biꞈ nehˬ-eu meh.

Gʼaˬkʼehˇ 3:6

Ehˇ kʼawꞈ, Beˬtuˆluˆ ehˇ-eu, “Ngaˇ pyuˇ maˬ ahˇ. Ehˇ kʼawꞈ, ngaˇ ahˇ-eu jeˬ nawˬ-ahˇ biꞈ ma. Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ uˬ moˆ tuˇ-awˇ gaˇ ma cah gʼeh-awˬ lehˇ, ngaˇ nawˬ-ahˇ dawˬ biꞈ-eu ma.”

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.