Dawqdaq 6:29 - Akha

²⁹ Kʼoeˇ loꞈ-ehˇ duˇ ni aˬ cawˬ aˬ ma-ahˇ bahˬ-euˬ tsawˇ haˬ, kʼehˬ-eu kʼaˆ-eu jeˬ-ahˇ maˬ law-iˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Yawqha-euq dawqpae jawr-eu tsawrhaq-euq miqzaq jawr-eu gar ir-eu tsawrhaq khawf, khoerlof-aer dur-eu mae. Aqyawf-anr khar toeqciv-eu tsawrhaq-aq, aerkhar maqza-eu tsawrhaq maqpar ngeur mae.

Dawqdaq 6:29 ပူးပေါင်းရင်းမြစ်များ

Aˇ dahˬ 20:2

Aˬ yawꞈ kʼoeˇ gaˇ jawˇ luꞈ ngeh, Saˬlaˇ-aˬ ngaˬ-euˬ dmˇ ma ma lehˇ aˬ yawꞈ ehˇ-euˬ meh. Kʼoeˇ naˇ, Geˬlawˬ Sahˬpaˬ Aˬbiˇmaˬlehˆ-aˬ, Saˬlaˇ-ahˇ aˬ yawꞈ jawˇ gaˇ bi sheuˬ laꞈ-euˬ meh.

2 Saˬmeuˬlaˆ 11:27

Tsawˇ ngoeˇ ngoeˇ-euˬ aˇ nah aˇ yamˬ dzeuˇ-iˇ ngeh, Daˬbiˇ tsawˇ haˬ pyehˬ gʼeh-awˇ, aˬ yawꞈ-ahˇ bi sheuˬ laˬ-iˇ-euˬ meh. Aˬ yawꞈ Daˬbiˇ-euˬ miˬ zaˬ pyeuꞈ laˇ-awˇ, Daˬbiˇ gʼaˇ duˬ aˬ li tiˬ li ciˬ-euˬ meh. Ehˇ kʼawꞈ, Daˬbiˇ kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-a.

2 Saˬmeuˬlaˆ 16:21

Aˬhiˇtawˇpeˬlaˆ ehˇ-eu, “Sahˬ paˬ-euˬ hawˇ nymˇ-ahˇ bi loꞈ piˇ-eu lehˇ nawˬ da neh taˬ yaꞈ-euˬ nawˬ da-euˬ ma nyiˇ kʼoeˇ deuˬ nehˬ-ehˇ yuꞈ leˇ-awˬ. Kʼoeˇ ngeh, nawˬ da-ahˇ nawˬ neh yehˬ bawˬ sehˇ lu-ehˇ gʼeh nehˬ-euˬ gaˇ kawˆ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ ya siˬ-awˇ, nawˬ-euˬ mehˬ nah caw teh-eu tsawˇ haˬ deuˬ gʼaˬ ahˇ dui dui laˇ tehꞈ-a.”

Doˆ-iˇ 20:17

“Aˬ cawˬ-euˬ nymˇ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ miˬ zaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ, nawˇ mehˇ juiˇ maˬ ya juiˇ-a.”

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Dawqdaq 6:28

Neˇ hoˬ ni gʼeh-eu miˬ dzaˬ miˬ jiˆ kʼoeˇ taˆ cah-awˇ, aˬ kuiˇ byahˇ oˬ maˬ oˬ laˇ ni jawˇ nya meh loˇ.

Yeˬsaˬgeˬlaˇ 18:6

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-eu dzaˇ aˬ yawꞈ maˬ dzaˬ-eu uˬ taꞈ, aˬ cawˬ-euˬ miˬ zaˬ-ahˇ maˬ bahˬ-ehˇ, ba la mawˇ luꞈ-eu zaˬ miˬ zaˬ nehˬ-ehˇ aˬ yawꞈ maˬ yuꞈ taꞈ-a.

Yeˬsaˬgeˬlaˇ 22:11

Tiˬ paˆ na deuˬ aˬ cawˬ-euˬ miˬ zaˬ-ahˇ bahˬ-awˇ, tiˬ poˆ na deuˬ-aˬ, yawˬ ha-euˬ kuiˬ ma-ahˇ bahˬ-euˬ meh. Tiˬ paˆ na deuˬ yawˬ ha aˬ da-euˬ ma caw-ahˇ bahˬ-euˬ meh.

Yeˬsaˬgeˬlaˇ 33:26

Naw maꞈ yawˬ ha-euˬ mi cehˇ-ahˇ nui ma huiˬ-eu meh. Naw maꞈ-euˬ dehꞈ jeˬ dehꞈ kawˆ nui daˆ daˆ laˇ paˬ-ehˇ gʼeh-eu meh. Yawˬ gʼaˬ na luꞈ aˬ cawˬ-euˬ miˬ sawˇ yo zaˬ nehˬ-ehˇ bahˬ-euˬ meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kmˬ-euˬ nya’ lehˇ ehˇ-eu meh lehˇ ehˇ nehˬ-awˬ.

Uˬ duˬ 18:20

Aˬ cawˬ-euˬ miˬ zaˬ nehˬ-ehˇ maˬ ya yuꞈ taꞈ-a. Kʼoeˇ loꞈ-ehˇ jahˇ naˇ, yawˬ ha gʼaˬ maˬ shawˇ-eu tsawˇ haˬ pyeuꞈ-iˇ-eu meh.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

1 Gawˇliˬtu 7:1

Nymˬ-mˇ jawˇ poˆ-aˬ, naw maꞈ neh ngaˬ-ahˇ sahˬ boꞈ boꞈ ahˇ laꞈ-awˇ naˇ haˬ-euˬ gaˇ kawˆ kʼoeˇ ehˇ ma. Kʼaˬ dzeˇ zaˬ-aˬ, miˬ zaˬ maˬ sheuˬ ni jawˇ nya naˇ muiˬ meh.