Dawqdaq 6:25 - Akha

²⁵ Aˇ gʼehˇ muiˬ gaˇ mehˇ juiˇ taˬ juiˇ. Aˬ yawꞈ-euˬ myaˆ nuiˆ neh taˬ bi ju lahˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Nawq-euq nuima-euq lafkhoer, aqyawf-euq arghaer muiq-eu jeq-anr nuikhanr taqjav. Aqyawf-euq myavnuiv khovtaev nae nawq-anr taqbi nyaefza.

Dawqdaq 6:25 ပူးပေါင်းရင်းမြစ်များ

2 Sahˬpaˬ 9:30

Kʼoeˇ naˇ, Yeˬzaˬleˬlaˇ meuˬ-ahˇ Yeˬhuˇ le-euˬ meh. Gaˇ kawˆ kʼoeˇ Yeˬsaˬbeˬlaˇ ya gaˬ ngeh, myaˆ nuiˆ hawˇ-eu uˬ duˬ tsehˇ kahˇ laˆ muiˬ-awˇ, sahˬ paˬ-euˬ hawˇ nymˇ laˇ gʼoˆ zaˬ-ahˇ yawꞈ-awˇ, gaˇ ma paw ciꞈ pyawˇ-awˇ jawˇ-eu meh.

Yawˇbaˆ 31:1

Zaˬ miˬ aˬ buˇ-ahˇ mehˇ juiˇ juiˇ-eu myaˆ nuiˆ neh maˬ paˇ haw ma lehˇ, nymˬ-mˇ ngaˇ ziˇ tsehˆ-eu ma.

Dawˬ caˇ 4:9

Ngaˇ gaˬ-eu gʼaˬ-oˇ, nawˬ-euˬ myaˆ nuiˆ haw cawˬ laˇ ngeh, ngaˬ-euˬ myaˆ nuiˆ kʼeuꞈ doˆ geuꞈ gaˇ duˇ nya. Nawˬ-euˬ kawˬ lahˇ-ahˇ dah luꞈ-eu lawˇ dah-ahˇ haw ngeh, ngaˬ-euˬ nui ma-ahˇ deuˬ laˇ nya.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬsaˬgeˬlaˇ 23:40

“Gaˇ mahˇ kaˬ gaˇ jawˇ-eu tsawˇ haˬ deuˬ jawˇ gaˇ aˬ yawꞈ nyaꞈ tsawˇ haˬ pyehˬ gʼeh-awˇ bi kuˇ laˬ-iˇ-eu meh. Kʼoeˇ naˇ, aˬ yawꞈ nyaꞈ iˇ cuꞈ dzuiꞈ buˇ-awˇ, myaˆ nuiˆ lehꞈ muiˬ-awˇ, myawˬ guˇ geuꞈ-eu meh.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Dawˬmehˬ 5:21

“Aˬ cawˬ-euˬ miˬ zaˬ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ nymˇ-ahˇ maˬ ehˇ, miˇ tsaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ maˬ ehˇ, nawˇ mehˇ juiˇ maˬ ya juiˇ-a.’