Dawqdaq 6:17 - Akha

¹⁷ Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Janrghae-eu myavnuiv, jaqmyawf myawf-eu maeqlar, Hawr-eu tiqjeq-iq maqbanq-eu tsawrhaq-euq shiq lavdov-eu aqlaf,

Dawqdaq 6:17 ပူးပေါင်းရင်းမြစ်များ

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Jaceuq 18:27

Nui nahˬnui yu ahˇ-eu deuˬ-ahˇ, nawˇmaˬbyehˇni ka kʼoꞈnehˬ-awˇ, nui ma huiˬ-eu mahˇ-eu deuˬ-ahˇ, nawˇgʼeu ka-awˇdehˬawˆ-euˬmeh.

Jaceuq 31:18

Nui ma huiˬ-awˇkʼahˬsehˇjehˆ-ehˇ, yaw tsaˬyaw dawˇdeuˬ-ahˇbu-eu, jaˬmyawꞈmyawꞈ-eu mehˬluˬkʼoeˇdeuˬ, dawˬmaˬngehˬnya ni pyeuꞈluꞈ-uˇ.

Jaceuq 5:6

Jaˬmyawꞈdeuˬ-ahˇnawˇlaˆcawˆ-awˇ, smˇkʼoeˬtahˇjoe-ahˇbye-eu meh.

Jaceuq 5:7

Ehˇkʼawꞈ huiˬdui myaˬdui dui-eu, nawˬ-euˬgʼoeˇ-eu gaˬ-eu baˬda, nawˬ-euˬnymˇ-ahˇngaˇlaˇnya-awˇ, Uˬduˬtahˬnymˇnymˇshawˇlaꞈkʼoeˇ, nawˬ-ahˇyaw zeu baw nehˬlaˇ-awˇ, awˆbyaˆ-awˇ uˬduˬtahˬ-eu ma.

Dawqdaq 1:11

“Oe-awˬ, tsawˇ haˬ sehꞈ kaˇ-euˇ. Iˬ baˇ maˬ ahˇ-eu deuˬ-ahˇ sehꞈ niˇ gʼa kaˇ-euˇ.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Dawqdaq 12:22

Jaˬ myawꞈ myawꞈ-eu mehˬ laˇ-ahˇ Sahˬpaˬ Miˬyehˇ nui daˆ daˆ-awˇ, saˇ jaˇ ziꞈ-eu deuˬ-ahˇ aˬ yawꞈ nui kʼahˇ shiˇ meh.

Dawqdaq 14:5

Saˇ jaˇ jawˇ-eu tsawˇ kaˬ jaˬ myawꞈ maˬ myawꞈ-a. Saˇ jaˇ maˬ jawˇ-eu tsawˇ kaˬ saꞈ gʼawˇ gaˇ jaˬ myawꞈ ahˇ-eu meh.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Dawqdaq 17:7

Tsawˇ doeˇ kʼaˬ meh dawˬ muiˬ maˬ doˆ-ehˇ, tsawˇ muiˬ kʼaˬ meh dawˬ lehˬ maˬ tmˇ-a.

Dawqdaq 21:4

Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

Dawqdaq 26:28

Aˬ cawˬ-ahˇ nawˇ mehˇ shuiˇ shuiˇ-awˇ yaw doeˇ jahˇ nehˬ mawꞈ naˇ, nawˬ-euˬ laꞈ kʼoeˇ aˬ yawꞈ-ahˇ bye-eu nui ma jeˬ huˬ ya bi ahˇ-eu meh. Jaˬ myawꞈ myawꞈ-eu jeˬ-aˬ, yaw cawˆ jeˬ tehꞈ-ehˇ bi doˆ laˇ-eu meh.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Dawqdaq 6:16

Sahˬpaˬ Miˬyehˇ bye-eu koꞈ jeˬ jaˆ-awˇ, aˬ yawꞈ nui daˆ daˆ-eu shiꞈ jeˬ jaˆ meh.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Iˇsaˬyaˇ 3:9

Aˬ yawꞈ maꞈ myaˆ pyawˬ huiˬ nyiˇ tseˇ-euˬ saˇ kiˇ jaˆ-awˇ, aˬ yawꞈ maꞈ-euˬ iˬ baˇ maˬ zaꞈ taˬ ni, Sawˇdoˬ meuˬ-euˬ iˬ baˇ loꞈ-ehˇ bya cehˆ ni jaˆ-eu meh.

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Dawˬmehˬ 19:10

Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, iˬ baˇ maˬ ahˇ-eu tsawˇ haˬ deuˬ maˬ ya shiˇ ni maˬ ehˇ, kʼoeˇ loꞈ-ehˇ gʼeh-eu tsawˇ haˬ deuˬ-ahˇ sehꞈ-euˬ baˬ da neh nawˬ-euˬ kʼoeˇ taˆ iˬ baˇ maˬ ya keuˆ le ni maˬ ehˇ, kʼoeˇ loꞈ-ehˇ mˇ-awˬ.

Dawˬmehˬ 27:25

“ ‘Laˆ lehˬ laˆ ca taˬ-euˬ maˬ jaˆ-eu tsawˇ haˬ-ahˇ sehꞈ-eu gʼaˇ duˬ pyuˇ yuˇ dzaˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.