Dawqdaq 5:21 - Akha

²¹ Tsawˇ haˬ zaˬ-euˬ iˇ jeˬ laˇ kawˆ-ahˇ Sahˬ paˬ Miˬ yehˇ mawˇ-awˇ, aˬ yawꞈ-euˬ kuiˇ toꞈ-ahˇ haw luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqjeq mirnae aernar-aq, tsawrhaqzaq-euq garma-aq, Ya’we Miqyaer-euq maeqshi javluf-awr, Tsawrhaq-euq cankawv dawqtawv luf-anr, aqyawf sharnoeq sharsawx-eu mae.

Dawqdaq 5:21 ပူးပေါင်းရင်းမြစ်များ

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Yawˇbaˆ 14:16

Kʼoeˇ ngeh, ngaˬ-euˬ kuiˇ toꞈ yawˬ toꞈ na luꞈ-ahˇ nawˇ haw kʼawꞈ, ngaˬ-euˬ iˬ baˇ-ahˇ nawˇ pehˬ zaˇ maˬ caw-aˇ.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Yawˇbaˆ 31:4

Ngaˇ kʼaˇ mˇ-eu yawˬ jeˬ na luꞈ-ahˇ Miˬyehˇ siˬ nya-awˇ, ngaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ mawˇ luꞈ meh.

Yawˇbaˆ 34:21

Tsawˇ haˬ zaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ haw luꞈ-eu meh.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 119:168

Nawˬ neh mehˬ-euˬ jeˬ hawˇ-eu nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ-eu ma. Ngaˇ kʼaˇ mˇ kʼaˇ shaˇ-eu jeˬ nawˇ mawˇ luꞈ meh.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Dawqdaq 15:3

Miˬyehˇ mehˬ shi baˇ zaꞈ maˬ jaˆ. Muiˬ muiˬ doeˇ doeˇ yehˇ mawˇ jiˇ meh.

Dawqdaq 4:26

Nawˇ kʼaˇ mˇ-eu jeˬ gaˇ kawˆ yaw muiˇ kawˆ duˬ taˬ-awˬ. Nawˬ neh kʼaˇ mˇ-euˬ jeˬ guiˬ lahˬ baw tehꞈ-a.

Dawqdaq 5:6

Dehꞈ-eu gaˇ ma gaˇ kawˆ aˬ yawꞈ maˬ shaˇ noeˬ-a. Mehˬ shiˬ kʼaˇ pyawˇ-eu paw iˇ-awˇ, yawˬ ha gaˇ ma maˬ siˬ nya-a.

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Yeˬlaˬmiˇ 29:23

Aˬ yawꞈ maꞈ aˬ cawˬ-euˬ miˬ zaˬ-ahˇ bahˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ jaˬ myawꞈ myawꞈ-euˬ miˇ neh, aˬ yawꞈ nyaꞈ-euˬ guiˬ lahˬ kʼoeˇ naˆ ni doeˇ tehꞈ-a. Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-ehˇ, aˬ yawꞈ nyaꞈ neh kʼaˇ mˇ-euˬ jeˬ-ahˇ, Sahˬpaˬ Miˬyehˇ siˬ jiˇ mawˇ jiˇ-eu meh lehˇ, Sahˬpaˬ Miˬyehˇ ehˇ-eu meh.”

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Hawˇseˬ 7:2

Yaw haiˬ kʼaˇ mˇ dzeuˇ-euˬ dawˬ tawˆ, ngaˇ maˬ ngehˇ ni noeˬ taˬ meh lehˇ, aˬ yawꞈ maꞈ maˬ noeˬ mawˇ leˇ-a. Aˬ yawꞈ maꞈ neh mˇ-euˬ iˬ baˇ, aˬ yawꞈ maꞈ-euˬ tiˬ jawˬ byah-awˇ, maˬ mawˇ laˇ-ehˇ maˬ gʼeh nya-a.”

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 2:18

“Saˬdiˬlehˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, myaˆ nuiˆ miˬ dzaˬ loꞈ-ehˇ nyehˆ-awˇ, aˬ kuiˇ guiˬ shuiˇ jeˬ ba taˬ-euˬ loꞈ-ehˇ guiˇ nyiˬ ni gʼeh-eu gʼaˬ pyeuꞈ-eu Miˬyehˇ-euˬ Zaˬmaˇ-euˬ dawˬ meh.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.