Dawqdaq 5:16 - Akha

¹⁶ Aˬ cawˬ aˬ ma o neh dehꞈ le-euˬ aˬ buˇ aˬ li deuˬ, nawˬ-euˬ gʼaˇ duˬ gaˇ dahˇ maˬ tsoeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawq-euq ircuf lawrgawv, laevkawv-anr biyoer-awr, Nawq-euq ircuf irbyoe, kharngeur-eu gar bi yoerdzae-eu tsaq taef-a laq?

Dawqdaq 5:16 ပူးပေါင်းရင်းမြစ်များ

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Jaceuq 128:3

Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.

Jaceuq 68:26

Aˬ yawꞈ-euˬ tsawˇ haˬ deuˬ uiˬ leˇ-eu laꞈ kʼoeˇ, Miˬyehˇ-ahˇ ja ceuˬ-awˬ. Yaˬkoˆ-euˬ zaˬ deuˬ uˆ deuˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ.

Dawqdaq 5:15

Nawˬ-eu miˬ zaˬ-ahˇ saˇ jaˇ ziꞈ-awˇ, nawˬ-euˬ nui gaˬ aˬ yawꞈ-ahˇ tehꞈ-ehˇ biꞈ-awˬ.

Dawqdaq 5:17

Nawˬ-ahˇ ngehˬ bi gʼeh-eu gʼaˇ duˬ nawˬ-euˬ zaˬ cu huiˬ-awˬ. Boeˇ miˬ siˬ kʼaˬ deuˬ nawˬ-ahˇ ngehˬ maˬ gʼeh nya-a.

Dawqdaq 5:18

Nawˬ-euˬ miˬ zaˬ-ahˇ nui kʼahˇ shiˇ-awˇ, nawˬ neh sheuˬ dahˬ dzaˬ-euˬ gʼaˬ nehˬ-ehˇ byawˬ gʼa-awˬ.

Dawqdaq 9:17

“Kʼoeˬ dawˇ-eu iˇ cuꞈ coeˇ dzehˬ-awˇ, kʼoeˬ dzaˬ-eu kaˬ muˇ kuiˇ dzehˬ nya” lehˇ ehˇ nehˬ-eu meh.

Dawˬ caˇ 4:12

Ngaˇ gaˬ-eu ngaˬ-euˬ zaˬ kʼaˬ-aˬ, ciˬ cuˇ ni jaˆ-eu yaˇ kmˇ-ahˇ duˇ nya. Yaw muiˬ paˬ-ehˇ mˇ gʼoeˬ taˬ-awˇ iˇ cuꞈ lah jaˆ-eu yaˇ kmˇ-ahˇ duˇ nya.

Dawˬ caˇ 4:15

Yaˇ kmˇ-ahˇ lawˇ gawˆ iˇ cuꞈ shehˬ-eu meh. Iˇ cuꞈ lawˇ baˬ deuˬ hawˇ-eu, Leˬbaˬnoˬ gawˬ jawˬ-ahˇ neh yoeˇ ka leꞈ-euˬ lawˇ gawˆ deuˬ, yaˇ kmˇ kʼoeˇ-ahˇ iˇ cuꞈ biꞈ le-eu meh.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.

Yaˇ kʼaˬ daˇ 12:9

Aˬ yawꞈ-aˬ, aˬ li smˬ tseˇ li hawˇ-eu aˬ buˇ smˬ tseˇ buˇ jawˇ-eu meh. Aˬ yawꞈ-euˬ aˬ buˇ smˬ tseˇ buˇ-ahˇ, aˬ yawꞈ-ahˇ aˇ jeuˬ maˬ taꞈ-euˬ deuˬ-ahˇ bi mˇ dzaˬ-iˇ-awˇ, aˬ yawꞈ-euˬ aˬ li deuˬ gʼaˇ duˬ, aˬ yawꞈ-ahˇ aˇ jeuˬ aˇ ca maˬ taꞈ-euˬ kuiˬ ma smˬ tseˇ ma sheuˬ ahˇ-euˬ meh. Eˇbaˬzaˬ-aˬ, Iˇsaˬleˬlaˆ tsawˇ jeuˬ-ahˇ shiꞈ kʼoꞈ sheuˬ gʼeh-euˬ meh.