Dawqdaq 4:19 - Akha

¹⁹ Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

Dawqdaq 4:19 ပူးပေါင်းရင်းမြစ်များ

Yawˇbaˆ 12:25

Yaw zahˇ laꞈ kʼoeˇ laꞈ sawˆ sawˆ sawˆ-ehˇ cah-eu, jiˇ baˬ yehꞈ-eu tsawˇ haˬ loꞈ-ehˇ, aˬ yawꞈ maꞈ cah cah-ehˇ bi shaˬ-euˬ meh.

Yawˇbaˆ 18:18

Dehꞈ-eu deuˬ jawˇ-eu miˇ kʼahˬ-ahˇ neh aˬ yawꞈ-ahˇ teh dzeh-awˇ, yaw shehꞈ bya gaˇ neh yaw zahˇ laꞈ kʼoeˇ bi teh uˇ tehꞈ-a.

Yawˇbaˆ 5:14

Nah gʼahˇ nah gaˆ-ahˇ zahˇ tsui ni gʼeh-eu jeˬ keuˆ le-awˇ, nah loˆ ceh ngeh laꞈ sawˆ sawˆ sawˆ-ehˇ cah-eu meh.

Jaceuq 82:5

“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Dawqdaq 2:13

Yaw tsaˬ yaw dawˇ gaˇ ma-ahˇ byehˇ dzeh-awˇ, yaw zahˇ laꞈ kʼoeˇ cah-eu tsawˇ haˬ kʼoeˇ deuˬ,

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 23:12

Aˬ yawꞈ maꞈ-euˬ gaˇ ma yaw juˇ juˇ-awˇ, zahˇ tsui ni gʼeh-eu meh. Aˬ yawꞈ maꞈ-ahˇ sahˬ tiꞈ tiꞈ-awˇ bi coˬ-iˇ ma. Aˬ yawꞈ maꞈ-ahˇ ngaˇ shaˬ zahˬ bi naꞈ ma. Aˬ yawꞈ maꞈ-ahˇ kʼehˬ-eu aˇ nah peh le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Maꞈtehˬ 7:23

Kʼoeˇ ngeh, ‘Naw maꞈ-ahˇ ngaˇ maˬ siˬ. Miˬyehˇ nui ma maˬ tsaˬ-eu jeˬ mˇ-euˬ tsawˇ haˬ deuˬ-oˇ, ngaˇ maˬ mawˇ gaˇ iˇ byoˆ-awˬ’ lehˇ, aˬ yawꞈ maꞈ-ahˇ ngaˇ ehˇ nehˬ ma.

Yoˇhaˬ 11:10

Ehˇ kʼawꞈ, uˬ ciꞈ paw cah naˇ, aˬ yawꞈ laꞈ kʼoeˇ yaw shehꞈ maˬ ahˇ-eu miˇ neh pehˆ toˆ tehꞈ-a.”

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

1 Yoˇhaˬ 2:11

Ehˇ kʼawꞈ, yawˬ ha-euˬ cawˬ Ka li zaˬ deuˬ-ahˇ bye-eu tsawˇ haˬ-aˬ, yaw zahˇ laꞈ kʼoeˇ jawˇ luꞈ-eu meh. Yaw zahˇ laꞈ kʼoeˇ cah luꞈ-awˇ, yawˬ ha aˬ gaˇ iˇ luꞈ-eu gaˇ kawˆ maˬ siˬ nya-a. Aˬ jeˬ miˇ neh ehˇ naˇ, yaw zahˇ kʼoeˇ aˬ yawꞈ-ahˇ myaˆ behꞈ bi behꞈ-iˇ-euˬ meh.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.