Dawqdaq 31:9 - Akha

⁹ Aˬ yawꞈ maꞈ gʼaˇ duˬ ngehˬ dah-awˇ, yaw tsaˬ yaw dawˇ dawˇ-ehˇ yaˇ kʼaˬ daˇ-awˬ. Shaˬ-eu zahˬ-eu deuˬ hawˇ-eu mehꞈ-eu shuꞈ-eu tsawˇ haˬ deuˬ-ahˇ ngehˬ gʼeh dah teˬ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawq-euq khaqmae mrnga-awr, Tsaq-awr dawr-eu lafkhoer yarkhaq dar-awq. Irshaqzaq hawr-eu shaqzaq zanqzaq deuq-anr, ngaeqghae danteq naeq-awq.

Dawqdaq 31:9 ပူးပေါင်းရင်းမြစ်များ

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

Yawˇbaˆ 29:12

Yaw shaˬ zaˬ deuˬ guˇ-eu ya gaˬ ngeh, ngaˇ caw ba nehˬ-euˬ ma. Laꞈ jeuˬ shaˇ kʼaˇ maˬ za-eu muˇ coe aˬ nmˇ deuˬ-ahˇ ngaˇ ngehˬ gʼeh nehˬ-euˬ ma.

Jaceuq 82:3

Shaˬ zaˬ zahˬ zaˬ hawˇ-eu muˇ coe aˬ nmˇ deuˬ-ahˇ yaw muiˬ paˬ-ehˇ haw piˇ nehˬ-awˬ. Shaˬ-eu zahˬ-eu tsawˇ haˬ hawˇ-eu, tahˬ shaˇ kʼaˇ maˬ za-eu deuˬ-ahˇ, dawˇ coe ni haw nehˬ pyaˆ nehˬ-awˬ.

Dawqdaq 16:12

Yaw tsaˬ yaw dawˇ jeˬ kʼoeˇ taˆ dzoeˬ dzaˬ ciˬ nuiˇ taˬ-euˬ miˇ neh, yaw haiˬ jeˬ-ahˇ sahˬ paˬ sahˬ ma deuˬ nui daˆ daˆ-eu meh.

Dawqdaq 20:8

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ, myaˆ nuiˆ baw seu iˬ baˇ baw shawˇ doˆ-mˇ jeˇ.

Dawqdaq 29:7

Yaw tsaˬ yaw dawˇ tsawˇ haˬ shaˬ zaˬ zahˬ zaˬ-ahˇ gʼawˬ shaˬ gaˬ-eu siˬ nya kawꞈ, maˬ tsaˬ maˬ dawˇ-eu tsawˇ haˬ kʼoeˇ loꞈ-ehˇ maˬ siˬ nya-a.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 23:5

Sahˬpaˬ Miˬyehˇ ehˇ-eu, “Daˬbiˇ-euˬ zaˬ deuˬ uˆ deuˬ laꞈ kʼoeˇ yaw tsaˬ yaw dawˇ tiˬ gʼaˬ-ahˇ ngaˇ tseˇ doˆ-awˇ, sahˬ paˬ bi geuꞈ-eu aˇ nah aˇ yamˬ keuˆ laˇ luꞈ meh. Sahˬ paˬ kʼoeˇ gʼaˬ miˇ kʼahˬ-ahˇ uˆ lahˇ-eu zaˬ siˬ tsawˇ gahˇ byah-awˇ, miˇ kʼahˬ heu kʼahˬ kʼahˬ lah ni kʼoeˇ taˆ, yaw tsaˬ yaw dawˇ laꞈ kʼoeˇ uˆ lahˇ tehꞈ-a.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Zaˬkaˬliˇ 7:9

“Aˇ hu ba ngaˬ-euˬ tsawˇ haˬ deuˬ-ahˇ ngaˇ heu loꞈ-ehˇ dawˬ biꞈ-euˬ ma. ‘Yaw tsaˬ yaw dawˇ jeˬ-ahˇ naw maꞈ tuˆ tehˬ taˬ-awˇ, aˬ cawˬ-ahˇ gʼawˬ shaˬ gaˬ-eu nui ma ya ahˇ meh.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Yoˇhaˬ 7:24

Kʼoeˇ taˆ paw tehꞈ-ehˇ haw-awˇ daˇ-eu jeˬ-ahˇ byehˇ-awˇ, maˇ maˇ ni kʼaˇ ngeuˇ-eu loꞈ-ehˇ daˇ-awˬ.”

Dawˬmehˬ 1:16

“Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. Naw maꞈ-euˬ tsawˇ haˬ deuˬ laꞈ kʼoeˇ dawˬ ja kʼaˇ doˆ laˇ ngeh, yaw muiˬ paˬ-ehˇ naˇ haˬ-awˇ, naw maꞈ-euˬ tsawˇ haˬ yaw kaˬ-ahˇ tehꞈ-ehˇ dawˬ ja doˆ laˇ-euˬ maˬ kaˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ nehˬ-ehˇ dawˬ ja doˆ laˇ-euˬ maˬ kaˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ nehˬ-awˬ.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

1 Saˬmeuˬlaˆ 19:4

Yawˇnaˆshaˬ-aˬ, aˬ yawꞈ-euˬ aˬ da Sawˇluˆ-ahˇ Daˬbiˇ gʼaˇ duˬ shaˇ ju-eu laꞈ kʼoeˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, nawˬ-euˬ zaˬ kʼaˆ Daˬbiˇ kʼoeˇ taˆ nawˇ yaw lehˬ jeˬ taˬ mˇ nehˬ laꞈ. Nawˬ-euˬ kʼoeˇ taˆ aˬ yawꞈ neh mˇ taˬ-euˬ yaw lehˬ tiˬ jeˬ-iˬ maˬ jaˆ-a. Kʼoeˇ uˬ taꞈ, aˬ yawꞈ neh kʼaˇ mˇ-euˬ yawˬ jeˬ na luꞈ, nawˬ-ahˇ caw ba-eu jeˬ tehꞈ-ehˇ pyeuꞈ-eu meh.

1 Saˬmeuˬlaˆ 20:32

Yawˇnaˆshaˬ ehˇ-eu, “Aˬ yawꞈ aˬ jeˬ mˇ taˬ-euˬ jaˆ-eu miˇ neh, aˬ yawꞈ-ahˇ ya sehꞈ ta.”