Dawqdaq 31:26 - Akha

²⁶ Zaˬ siˬ tsawˇ gahˇ ahˇ-eu nahˬ yu ni gʼeh-eu dawˬ aˬ yawꞈ ngehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawf-euq khaqmae mrnga ngae, zaqsiq tsawrganr dovle-awr, Aqyawf-euq maeqlar-aq, ghawqshaq gaq-eu zanrdawq ngaeq-eu mae.

Dawqdaq 31:26 ပူးပေါင်းရင်းမြစ်များ

Iˇsaˬtaˆ 4:4

Iˇsaˬtaˆ-euˬ zaˬ miˬ zaˬ zaˬ kʼaˆ deuˬ hawˇ-eu sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu deuˬ, Mawˬdaˬkehˇ kʼoeˇ loꞈ-ehˇ gʼeh luꞈ-eu gaˇ kawˆ Iˇsaˬtaˆ-ahˇ ehˇ nehˬ ngeh, aˬ yawꞈ nui ma cawˆ dui dui-euˬ meh. Mawˬdaˬkehˇ guˬ daˇ pehˇ zeuˇ mehˬ tsoeˬ lehˆ-awˇ bi dm paˇ-eu gʼaˇ duˬ aˬ yawꞈ neh mehˬ tsoeˬ bi biꞈ ha-iˇ kʼawꞈ, Mawˬdaˬkehˇ maˬ dm paˇ-a.

Iˇsaˬtaˆ 5:8

Ngaˬ neh shaˇ-euˬ dawˬ-ahˇ sahˬ paˬ nawˇ naˇ haˬ geuꞈ nehˬ laꞈ ma lehˇ ngeuˇ naˇ, ni shawˬ uˬ ciꞈ naw nyaꞈ gʼaˇ duˬ ngaˬ neh lehˬ hmˬ laˆ saˆ taˬ-euˬ dzaˬ byawˇ-ahˇ kʼawꞈ, Haˬmaˬ naw nyaꞈ tiˬ poˆ paˇ oe nehˬ laꞈ siˬ. Kʼoeˇ poˆ jawˇ ngaˇ shaˇ mawꞈ-eu jeˬ nawˬ-ahˇ ehˇ nehˬ ma” lehˇ eh ˇnehˬ-euˬ meh.

Dawqdaq 10:31

Yaw tsaˬ yaw dawˇ deuˬ-euˬ kʼaˬ meh-ahˇ zaˬ siˬ tsawˇ gahˇ ahˇ-eu dawˬ doˆ le tehꞈ-a. Ehˇ kʼawꞈ, haiˬ-eu dawˬ ngehˬ-eu mehˬ laˇ bi toˆ tsehˆ dzeh tehꞈ-a.

Dawqdaq 12:18

Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Dawqdaq 16:24

Dawˬ muiˬ tmˇ-eu byaˬ byaˬ uiˇ-ahˇ duˇ-awˇ, nui ma-ahˇ laˬ kʼaˬ bi cehˇ-awˇ, gʼawˇ mawˇ-ahˇ jawˇ saˇ bi doˆ-eu meh.

Dawqdaq 19:14

Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

Dawqdaq 25:15

Oˇ oꞈ-eu jeˬ-aˬ, sahˬ paˬ-euˬ nui ma-ahˇ tsahˇ pyawˇ nya-awˇ, nahˬ yu ni gʼeh-eu dawˬ ngehˬ-eu jeˬ-aˬ, shaˬ yoeˬ-ahˇ kʼoˆ kʼehꞈ nya-eu meh.

Dawqdaq 31:27

Aˬ yawꞈ tiˬ jawˇ-iˬ gʼaˬ naˬ maˬ naˬ-ehˇ, nymˇ jiˇ laꞈ kʼoeˇ kʼaˇ loˬ-eu jeˬ-ahˇ haw doe nya-eu meh.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.

Luˇkaꞈ 1:38

Maˬliˇ ehˇ-eu, “Ngaˇ-aˬ, SahˬpaˬMiˬyehˇ-euˬ zaˬ kʼaˆ ma. Nawˬ neh ehˇ-euˬ jeˬ ngaˬ-euˬ kʼoeˇ taˆ pyeuꞈ le luꞈ-uˇ.” Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ doˆ-iˇ-euˬ meh.

Gʼaˬkʼehˇ 18:26

Uˬ duˬ tahˬ nymˇ laꞈ kʼoeˇ aˬ yawꞈ kʼaˬ duˬ ni dawˬ ngehˬ dahˬ beh-euˬ meh. Biˇgiˇla hawˇ-eu Aˬguˇla aˬ nyaꞈ dzeˇ zaˬ aˬ yawꞈ-euˬ gaˇ kawˆ ya gaˬ ngeh, aˬ yawꞈ-ahˇ iˇ kahˇ-ahˇ sheuˬ kʼoꞈ laꞈ-awˇ, Miˬyehˇ-euˬ Gaˇma gaˇ kawˆ yaw tsaˬ tsaˬ-ehˇ paˇ mehˬ lahˬ nehˬ-euˬ meh.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.

Yaˇ kʼaˬ daˇ 13:23

Ehˇ kʼawꞈ, miˬ zaˬ gʼaˬ ehˇ-eu, “Aˇ nyaꞈ-ahˇ Sahˬpaˬ Miˬyehˇ bi shiˇ mawꞈ law nmˇ-aˬ, aˇ nyaꞈ-euˬ lawˇ-eu jeˬ-ahˇ aˬ yawꞈ maˬ ha geuꞈ-ehˇ, heu loꞈ-ehˇ gʼeh-eu jeˬ dawˬ tawˆ luꞈ aˇ nyaꞈ-ahˇ maˬ bi mawˇ laꞈ-eu uˬ taꞈ, heu loꞈ-ehˇ maˬ ehˇ nehˬ laꞈ-aˇ.”