Dawqdaq 31:17 - Akha

¹⁷ Aˬ yawꞈ mˇ myawˬ mˇ coeˇ dui dui-awˇ, ziꞈ dah ni gʼeh-eu laꞈ kʼoeˇ gʼawˬ mya jeˬ mˇ doˆ shaˇ doˆ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqyawf, yawqhar yawqha, ghaq nae jof-anr paf-awr, Aqyawf-euq aqlaf mrdeur-eu mae.

Dawqdaq 31:17 ပူးပေါင်းရင်းမြစ်များ

Aˇ dahˬ 49:24

Ehˇ kʼawꞈ, aˬ yawꞈ-euˬ kaˆ kaˆ poˆ maˬ byehˆ-iˇ-ehˇ, Aˬ yawꞈ-euˬ laꞈ du deuˇ dui dui ni, Iˇsaˬleˬlaˆ-ahˇ haw piˇ-eu yawˇ bo-eu yaw sahˇ, Yaˬkoˆ-euˬ Baoˬ huiˬ-eu Miˬyehˇ-euˬ baoˬ, aˬ yawꞈ-ahˇ caw ba-eu meh.

1 Sahˬpaˬ 18:46

Kʼoeˇ ngeh, Sahˬpaˬ Miˬyehˇ-euˬ baoˬ Eˇliˇyaˆ kʼoeˇ taˆ keuˆ le-euˬ meh. Aˬ yawꞈ-euˬ mehˬ tsoeˬ joꞈ-ahˇ yaw muiˬ paˬ-ehˇ dzahˬ ziꞈ-awˇ, Yeˬsaˬleˬlaˇ meuˬ-ahˇ le-eu gaˇ ma kahˇ li, Aˬhaˆ-euˬ mehˬ hu aˬ yawꞈ cehˆ-euˬ meh.

2 Sahˬpaˬ 4:29

Geˬhaˬziˇ-ahˇ Eˇliˇshehˇ ehˇ nehˬ-eu, “Yaw kawˇ-ehˇ lehˬ hmˬ-awˇ, ngaˬ-euˬ gawˬ yoeˬ yuˇ-awˇ iˇ-awˬ. Kʼaˇ tahˬ puˬ le-eu tsawˇ haˬ tiˬ gʼaˬ-ahˇ-iˬ dawˬ maˬ ngehˬ cawˬ ni iˇ-awˬ. Aˬ cawˬ nawˬ-ahˇ dawˬ ngehˬ cawˬ laˇ kʼawꞈ, nawˇ dawˬ maˬ ngehˬ cawˬ ni nymˇ kʼoeˇ nymˇ-ahˇ dawˇ coe ni iˇ-awˇ, ngaˬ-euˬ gawˬ yoeˬ heu aˬ li kʼoeˇ li kʼoeˇ taˆ cawˬ ja-awˬ.”

Yawˇbaˆ 38:3

Kʼaˬ dzeˇ zaˬ loꞈ-ehˇ tsawˬ tuˇ-awˇ yawꞈ-awˇ, ngaˇ naˇ haˬ-eu jeˬ ehˇ kʼoꞈ-awˬ.

Dawqdaq 31:16

Aˬ yawꞈ miˇ tsaˬ poˆ zeuˇ-awˇ, aˬ yawꞈ poˆ za taˬ-euˬ pyuˇ yuˇ doˆ-awˇ, aˬ gaꞈ yaˇ kmˇ mˇ-eu meh.

Dawqdaq 31:18

Aˬ yawꞈ kʼaˇ mˇ kʼaˇ shaˇ doˆ-euˬ yawˬ jeˬ na luꞈ-euˬ aˇ poeˬ aˬ yawꞈ siˬ nya-awˇ, uˬ ciꞈ sehˇ gʼahˇ keuˆ ni maˬ naˬ leˇ ni mˇ-eu meh.

Iˇsaˬyaˇ 44:12

Shuiˇ tehˆ-eu tsawˇ haˬ-aˬ, shmˇ shmˇ byaˆ yuˇ-awˇ, miˬ dzaˬ-ahˇ baw baw neˇ-awˇ tehˆ-eu meh. Gʼaˬ kʼaˆ-eu aˬ yawꞈ-euˬ aˬ laꞈ diˬ puˬ-ahˇ tuˆ tehˬ-awˇ, shmˇ-ahˇ mawˇ kawˇ tehˆ pyeuꞈ-eu meh. Aˬ yawꞈ kʼoeˇ loꞈ-ehˇ mˇ ngeh, hawˬ mehꞈ, iˇ cuꞈ mehꞈ-eu baw-awˇ, gʼaˬ doeˇ kʼawꞈ doeˇ-eu meh.

Hawˇseˬ 7:15

Aˬ yawꞈ maꞈ-ahˇ ngaˇ ciˬ huiˬ-awˇ, gʼaˬ kʼaˆ laˇ ni bo saˆ-euˬ kʼawꞈ, ngaˬ-ahˇ puiˬ-eu leh jeh-eu meh.

Luˇkaꞈ 12:35

Naw maꞈ joꞈ paꞈ deuˇ geuˆ ni paꞈ-awˇ, tsiˇ kʼmˬ doꞈ taˬ-awˬ.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.