Dawqdaq 31:15 - Akha

¹⁵ Aˬ yawꞈ-euˬ nymˇ kʼahˬ zaˬ deuˬ dzaˬ-eu gʼaˇ duˬ dzaˇ laˆ saˆ-awˇ, zaˬ mi zaˬ zaˬ kʼaˆ deuˬ-ahˇ gaˇ biˇ nehˬ-eu gʼaˇ duˬ, uˬ bya maˬ bya laˇ mi naˆ-ehˇ uˬ tuˇ tuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawf uqbya maqbya lar-euq minav-aer tur-awr, Nymrkhanq-euq zaqdeuq, dzaq-eu gharduq dzar lavsav-awr, Aqbur zaqkhav deuq-anr, gar daeqbir naeq-eu mae.

Dawqdaq 31:15 ပူးပေါင်းရင်းမြစ်များ

2 Laˬsaˬbaˬ 36:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ maˬ tsehˆ leˇ ni pyehˬ gʼeh leꞈ-awˇ, aˬ yawꞈ-euˬ tsawˇ haˬ kʼoeˇ deuˬ-ahˇ bi mehˬ paˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ hawˇ-eu Uˬ duˬ tahˬ nymˇ nymˇ ma-ahˇ aˬ yawꞈ maˬ bi cawˆ-iˇ mawꞈ-a.

Dawqdaq 20:13

Yuꞈ gaˇ gaˬ-eu tsawˇ shaˬ. Mˇ gaˇ gaˬ-eu dzaˬ ngeh maˬ jiˇ.

Dawqdaq 31:16

Aˬ yawꞈ miˇ tsaˬ poˆ zeuˇ-awˇ, aˬ yawꞈ poˆ za taˬ-euˬ pyuˇ yuˇ doˆ-awˇ, aˬ gaꞈ yaˇ kmˇ mˇ-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 24:25

Naˇ haˬ-awˬ. Aˇ yamˬ maˬ keuˆ laˇ mi naˇ-ehˇ, gaˇ kawˆ heu deuˬ naw maꞈ-ahˇ ngaˇ ehˇ nehˬ taˬ-eu ma.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Lormav 12:11

Yaw doeˇ maˬ doeˇ ni mˇ dui dui-awˬ. Nui ma keuˆ dui dui-eu laꞈ kʼoeˇ Miˬyehˇ gaˇ mˇ-awˬ.

Yawˇshuˆ 3:1

Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.