Dawqdaq 30:9 - Akha

⁹ Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Maqngeur nar-aq, ngar dzaqdaevnya lar-awr, “Ya’we Miqyaer aqsur ghaq la?” laer aer-awr, Nawq-anr byaernya-eu baw-mr. Ngar irshaqshaq nar-aq khawf, smrkhoeq khoeq-awr, Ngaq-euq Miqyaer-euq tsawrmyanr-anr lavcawv-eu baw-mr.

Dawqdaq 30:9 ပူးပေါင်းရင်းမြစ်များ

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Doˆ-iˇ 20:7

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ, nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Dawqdaq 29:24

Smˇ kʼoeˬ nehˬ-ehˇ cawˬ cawˬ-eu tsawˇ haˬ yawˬ haˇ yawˬ ha muiˇ gaˇ duˇ-eu meh. Dawˇ coe ni ehˇ doˆ naˇ, kʼehˬ-eu kʼaˆ-eu jeˬ-ahˇ ya daˬ-awˇ, maˬ ehˇ doˆ ni zaꞈ byoˆ naˇ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ-eu meh.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 5:12

Sahˬpaˬ Miˬyehˇ-euˬ tsawˇ haˬ deuˬ, Sahˬpaˬ Miˬyehˇ-ahˇ yaw zeu maˬ baw-ehˇ, heu loꞈ-ehˇ ehˇ-eu meh. “Aˬ dui-ahˇ aˬ yawꞈ tiˬ jeˬ-iˬ maˬ jahˇ laˇ-aˇ. Aˬ dui shaˬ zahˬ naꞈ gaˇ maˬ ya keuˆ-aˇ. Mehꞈ-eu shuꞈ-eu hawˇ-eu miˬ siˬ miˬ kaˆ, aˬ dui kʼoeˇ taˆ maˬ keuˆ le-aˇ.

Yeˬsaˬgeˬlaˇ 23:35

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ ngaˬ-ahˇ ngehˇ-awˇ naˇ kʼah ciˬ pyawˇ-euˬ miˇ neh, nawˬ neh kʼaˬ miˬ sheu gaˇ gaˬ-awˇ meh maˬ laˇ geuꞈ-euˬ aˇ poeˬ nawˇ ya shaˬ duˬ tehꞈ-a.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Maꞈtehˬ 26:72

Beˬtuˆluˆ tsawˇ pyehˇ pyehˇ-awˇ paˇ ehˇ-eu, “Tsawˇ haˬ kʼoeˇ gʼaˬ-ahˇ ngaˇ maˬ siˬ lehˇ kamˬ peuˬ ma.”

Maꞈtehˬ 26:74

Kʼoeˇ ngeh jawˇ, Beˬtuˆluˆ ehˇ-eu, “Ngaˇ jaˬ myawꞈ maˬ myawꞈ lehˇ kamˬ peuˬ ma. Ngaˇ jaˬ myawꞈ myawꞈ lawˬ naˇ, Miˬyehˇ ngaˬ-ahˇ kʼehˬ luꞈ-uˇ. Tsawˇ haˬ kʼoeˇ gʼaˬ-ahˇ ngaˇ maˇ maˇ ni maˬ siˬ nya nya.” Kʼoeˇ loꞈ-ehˇ ehˇ gʼaˬ-eu nehˬ-ehˇ, ya poeˇ doeˇ doˆ laˇ-euˬ meh.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Yawˇshuˆ 24:27

Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ ehˇ nehˬ-eu, “Kʼaˬ lo heu siˬ-aˬ, aˬ dui gʼaˇ duˬ saˇ kiˇ pyeuꞈ tehꞈ-a. Sahˬpaˬ Miˬyehˇ neh aˬ dui-ahˇ kʼaˇ ehˇ nehˬ laꞈ-euˬ jeˬ-ahˇ kʼaˬ lo heu siˬ ya gaˬ-euˬ meh. Kʼoeˇ miˇ neh, kʼoeˇ-aˬ, naw maꞈ-euˬ Miˬyeh-ahˇ naw maꞈ maˬ ya puiˬ-eu gʼaˇ duˬ saˇ kiˇ pyeuꞈ tehꞈ-a.”