Dawqdaq 30:8 - Akha

⁸ Jaˬ myawꞈ myawꞈ-eu tsawˇ haˬ taˬ bi pyeuꞈ laꞈ. Smˇ muiˬ muiˬ-eu tsawˇ haˬ maˬ ehˇ, iˇ shaˬ shaˬ-eu tsawˇ haˬ maˬ ehˇ, taˬ bi pyeuꞈ laꞈ. Aˬ yawꞈ nah yawꞈ dzaˬ loꞈ dawˇ loꞈ-eu guiˬ lahˬ biꞈ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ngaq-anr nae jaqmyawf hawr-eu maqtsaq-eu jeq, Garmanr kaq-eu gar yurdzae naeqlaf. Ngaq-anr smrmuiqzaq maqngeur nar-aq, irshaqzaq taqbi pyeufnaeqlaf. Ngar daefnya’ni, mawf-eu dzaqdzaq dawrdawr bifnaeq laf-awq.

Dawqdaq 30:8 ပူးပေါင်းရင်းမြစ်များ

Aˇ dahˬ 28:20

Kʼoeˇ naˇ, Sahˬpaˬ Miˬyehˇ-ahˇ Yaˬkoˆ heu loꞈ-ehˇ saˇ jaˇ dzaˬ-euˬ meh. “Ngaˇ iˇ luꞈ-eu gaˇ ma heu kahˇ mehˬ shi, nawˇ ngaˬ-ahˇ haw piˇ-awˇ, loˬ-eu dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ laꞈ-eu uˬ taꞈ,

2 Sahˬpaˬ 25:30

Aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ nah yawꞈ kʼaˇ loˬ-eu jeˬ aˬ yawꞈ-ahˇ biꞈ loꞈ nehˬ-euˬ meh.

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Jaceuq 119:29

Yaw lehˬ jeˬ maˬ ya mˇ ni ngehˬ gʼeh nehˬ laꞈ-awˇ, nawˬ-euˬ muiˬ-eu jaˬ-eu jeˬ baˬ da neh, nawˬ-euˬ zahˇ dawˬ kʼoꞈ dawˬ mehˬ nehˬ laꞈ-awˬ.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Doˆ-iˇ 16:15

Iˇsaˬleˬlaˆ tsawˇ haˬ deuˬ aˇ kʼoˇ kʼoˇ zaˬ kʼoeˇ deuˬ-ahˇ ya mawˇ ngeh, aˬ jeˬ aˇ kʼoˇ pyeuꞈ-eu maˬ siˬ nya-ehˇ, “Heu aˬ jeˬ nga” lehˇ, tiˬ gʼaˬ tiˇ gʼaˬ naˇ haˬ-euˬ meh. Kʼoeˇ ngeh, aˬ yawꞈ maꞈ-ahˇ Moˇseˬ ehˇ nehˬ-eu, “Heu-aˬ, naw maꞈ dzaˬ-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ nehˬ-euˬ kaˬ muˇ pyeuꞈ-eu meh.

Doˆ-iˇ 16:18

Ehˇ kʼawꞈ, aˬ yawꞈ maꞈ pehˬ haw ngeh, gʼawˬ mya ni gʼoˆ uiˬ taˬ-euˬ deuˬ kʼawꞈ maˬ za myaˬ dzehˬ-ehˇ, tsaˬ tsaˬ ni tehꞈ-ehˇ gʼoˆ uiˬ-euˬ deuˬ kʼawꞈ maˬ za cuiˆ dzehˬ-euˬ gaˇ ya mawˇ-euˬ meh. Yawˬ gʼaˬ na luꞈ, yawˬ ha kʼaˇ dzaˬ jiˇ coeˇ-eu myaˆ ni tehꞈ-ehˇ za-euˬ meh.

Doˆ-iˇ 16:29

Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ gʼaˬ naˬ naˬ-eu aˇ nah tiˬ nah biꞈ taˬ-euˬ meh lehˇ siˬ nya-awˬ. Kʼoeˇ miˇ neh, koꞈ nah tiˬ nah-ahˇ nyiˬ nah dzaˬ loꞈ-eu dzaˬ-eu dawˇ-eu jeˬ ngaˇ biꞈ nehˬ ma. Shiꞈ nah tiˬ nah-ahˇ, yawˬ gʼaˬ na luꞈ, yawˬ ha jawˇ duˬ-ahˇ yawˬ ha jawˇ-awˇ, yawˬ ha-euˬ nymˇ laꞈ nyiˇ maˬ ya doˆ-iˇ-a.”

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Dawqdaq 13:5

Yaw tsaˬ yaw dawˇ tsawˇ haˬ-aˬ, maˬ tsaˬ-eu jeˬ-ahˇ bye-awˇ, haiˬ-eu tsawˇ haˬ daˬ ga-eu jeˬ mˇ doˆ laꞈ-eu meh.

Dawqdaq 21:6

Maˬ tsaˬ maˬ dawˇ-eu laꞈ kʼoeˇ za-euˬ pyuˇ shuiˇ myawˬ gahˬ, tiˬ kʼehˇ laˇ kʼehˬ laꞈ kʼoeˇ byoˆ le-eu uˬ taꞈ, shiˇ-eu jeˬ-euˬ kʼaˬ meh laꞈ kʼoeˇ, 4 nawˬ-ahˇ sheuˬ uˇ yaꞈ tehꞈ-a.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawqdaq 30:7

Miˬyehˇ-oˇ, ngaˇ maˬ shiˇ mi naˆ-ehˇ ngaˬ-ahˇ guiˬ lahˬ nyiˬ jeˬ biꞈ laꞈ lehˇ shaˇ-eu ma.

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Iˇsaˬyaˇ 5:18

Yaw haiˬ jeˬ-ahˇ yaw lehˬ jeˬ aˇ caˆ neh gʼeu-awˇ, iˬ baˇ-ahˇ laˆ lawˬ aˇ caˆ neh gʼeu-eu deuˬ ya noeˬ shaˬ dui dui tehꞈ-a.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 52:34

Aˬ yawꞈ kʼaˇ dehꞈ kʼoeˇ keuˆ ni, aˬ yawꞈ nah yawꞈ kʼaˇ loˬ-eu jeˬ tiˬ byah tiˬ loꞈ biꞈ nehˬ-euˬ meh.

Maꞈtehˬ 6:11

Iˬ nah loˬ-eu dzaˬ-eu jeˬ, iˬ nah biꞈ nehˬ laꞈ.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Luˇkaꞈ 11:3

Aˬ yawꞈ nah yawꞈ loˬ-eu dzaˬ-eu dawˇ-eu jeˬ, aˬ yawꞈ nah yawꞈ nga maꞈ-ahˇ biꞈ nehˬ laꞈ.

Yoˇhaˬ 2:8

Kʼoeˇ naˇ, “Nymˬ-mˇ poˆ jawˇ-aˬ, ciˬ cuˇ teu deuˬ-ahˇ kʼawꞈ dahˬ taˬ-euˬ iˇ cuꞈ paˇ kuˬ doˆ-awˇ, aˬ jaˇ mˇ gaˇ haw-eu aˬ yuiꞈ gʼaˬ-ahˇ ciˬ ha nehˬ-iˇ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ ngeh, aˬ yawꞈ maꞈ ciˬ ha nehˬ-iˇ-euˬ meh.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.