Dawqdaq 30:4 - Akha

⁴ Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Mqtav mirkhanq-anr ledav-awr zafka le-euq aqsur ghaq-a? Laftuv-euq lafkhoer, jaqlaer nyaefuiq taq-euq aqsur ghaq la? Ircuf-anr paerkhanq nae cu-euq aqsur ghaq-a? Mirma oeqcoer oeqbawq lavzif-euq aqsur ghaq la? Aqyawf-euq tsawrmyanr aqjeq laer kur-awr, Aqyawf-euq Zaqyo-euq tsawrmyanr aqjeq laer la? Nawr siqnya ma lor?

Dawqdaq 30:4 ပူးပေါင်းရင်းမြစ်များ

Aˇ dahˬ 32:29

“Nawˬ-euˬ tsawˇ myahˇ ngaˬ-ahˇ tiˬ poˆ ehˇ nehˬ laꞈ sheˇ” lehˇ, tsawˇ haˬ kʼoeˇ gʼaˬ-ahˇ Yaˬkoˆ ehˇ nehˬ ngeh, “Aˬ jeˬ miˇ neh nawˇ ngaˬ-euˬ tsawˇ myahˇ siˬ nya mawꞈ-eu nya” lehˇ tsawˇ haˬ kʼoeˇ gʼaˬ ehˇ-eu meh. Kʼoeˇ naˇ, Yaˬkoˆ-ahˇ aˬ yawꞈ dawˬ ngehˬ gʼeh nehˬ-euˬ meh.

Yawˇbaˆ 11:7

Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.

Yawˇbaˆ 11:8

Miˬyehˇ-aˬ, mˬ mah maˬ tseˇ goˇ-eu meh. Mˬ-ahˇ nawˇ beuˬ miˇ coeˇ ma loˇ. Shiˇ-eu miˇ kʼahˬ-ahˇ Miˬyehˇ siˬ nya meh. Ehˇ kʼawꞈ nawˇ noeˬ mawˇ coeˇ ma loˇ.

Yawˇbaˆ 26:8

Mˬ dmˇ laꞈ kʼoeˇ iˇ cuꞈ tiˬ byah ni bi dahˬ-awˇ, iˇ cuꞈ kʼoeˇ yaw kah baˬ da neh mˬ dmˇ maˬ pehꞈ-iˇ ni jahˇ-euˬ gʼaˬ Miˬyehˇ meh.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 24:2

Laˆshaˆkʼoeˇtaˆmiˇmaˬciˬ-awˇ, laˆshaˆdawˬdah naꞈdui dui gaˇ, zeuˇka ziꞈdah ni jaˆ-eu meh.

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Doˆ-iˇ 15:10

Ehˇ kʼawꞈ, Sahˬpaˬ Miˬyehˇ nawˇ saꞈ tiˬ poˆ baw gʼeh ngeh, Iˇjiˇtuˆ tsawˇ haˬ deuˬ iˇ cuꞈ-ahˇ bu-awˇ, guˆ laˇ paˬ-ehˇ gʼeh-eu iˇ cuꞈ laꞈ kʼoeˇ, za siˬ loꞈ-ehˇ aˬ yawꞈ maꞈ ga nuiꞈ-euˬ meh.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Luˇkaꞈ 10:22

“Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Yoˇhaˬ 3:13

Mˬ kʼoeˇ taˆ neh zaꞈ ka le-euˬ gʼaˬ pyeuꞈ-eu Tsawˇ haˬ-euˬ Zaˬmaˇ maˬ ngeuˇ naˇ, tsawˇ haˬ tiˬ gʼaˬ-iˬ mˬ kʼoeˇ taˆ maˬ le keuˆ haw-aˬ.”

Lormav 10:6

Ehˇ kʼawꞈ, jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu gaˇ kawˆ Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Mˬ kʼoeˇ taˆ aˬ suˇ gʼaˬ daˆ leˇ nmˇ lehˇ yawˬ haˇ yawˬ ha taˬ naˇ haˬ.” (Kʼoeˇ-aˬ, Ka li-ahˇ sheuˬ ka laˬ leˇ gaˇ ehˇ mawꞈ-eu meh.)

Dawˬmehˬ 28:58

“Sahˬ boꞈ heu taꞈ laꞈ kʼoeˇ boꞈ taˬ-euˬ Miˬyehˇ neh mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ saˇ jaˇ ziꞈ-awˇ maˬ caw teh-ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˬ dui dui leˇ paˬ-ehˇ gʼeh-eu tsawˇ myahˇ-ahˇ yaw zeu maˬ baw naˇ,

Dawˬmehˬ 30:12

Kʼoeˇ-aˬ, mˬ kʼoeˇ taˆ jaˆ-eu jeˬ maˬ ngeuˇ-a. ‘Ngaˇ ya gaˬ-awˇ naˇ haˬ geuꞈ-eu gʼaˇ duˬ, aˬ suˇ gʼaˬ mˬ-ahˇ daˆ leˇ-awˇ yuˇ ka laˬ leˇ nmˇ’ lehˇ, nawˇ naˇ haˬ-eu maˬ loˬ-a.

Panmaeq 19:12

Aˬ yawꞈ-euˬ myaˆ nuiˆ miˬ dzaˬ miˬ lmˇ-ahˇ duˇ-awˇ, uˬ duˬ-ahˇ shuiˇ uˬ kʼoˆ gʼawˬ mya siˬ kʼoˆ luꞈ-eu meh. Aˬ yawꞈ-ahˇ tsawˇ myahˇ tiˬ myahˇ boꞈ myahˬ taˬ-awˇ, aˬ yawꞈ maˬ ngeuˇ naˇ tsawˇ myahˇ kʼoeˇ myahˇ-euˬ dawˬ tsuiꞈ tiˬ gʼaˬ-iˬ maˬ siˬ nya-a.

Yaˇ kʼaˬ daˇ 13:18

Mˬ taˆ gʼaˬ kʼehˇ ehˇ-eu, “Aˬ jeˬ miˇ neh ngaˬ-euˬ tsawˇ myahˇ siˬ nya mawꞈ-eu nya. Kʼoeˇ-aˬ, zahˬ leˇ paˬ-ehˇ gʼeh-eu tsawˇ myahˇ meh.”