Dawqdaq 3:7 - Akha

⁷ Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yawqhar yawqha tsawrganr anr-eu ma laer taqnoeq. Ya’we Miqyaer-anr guv-awr, yawdoer jeq-anr garjaw jaw-awq.

Dawqdaq 3:7 ပူးပေါင်းရင်းမြစ်များ

2 Saˬmeuˬlaˆ 12:20

Kʼoeˇ ngeh, Daˬbiˇ miˇ tsa yuꞈ luꞈ-eu tuˇ laˇ-awˇ, iˇ cuꞈ dzuiꞈ-awˇ, uˬ duˬ kaˆ juˇ-awˇ, mehˬ tsoeˬ dm paˇ-euˬ meh. Kʼoeˇ naˇ, Sahˬpaˬ Miˬyehˇ-euˬ nymˇ-ahˇ le-awˇ, uˬ duˬ tahˬ leˇ-euˬ meh. Sahˬ paˬ jawˇ-eu hawˇ nymˇ-ahˇ aˬ yawꞈ gʼoꞈ keuˆ leˇ ngeh, dzaˬ dzaˬ dawˇ dawˇ bi laˆ dawˆ-awˇ, tiˬ poˆ tehꞈ-ehˇ dzaˬ-euˬ meh.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Doˆ-iˇ 20:20

Aˬ yawꞈ maꞈ-ahˇ Moˇseˬ ehˇ nehˬ-eu, “Taˬ guˆ. Aˬ jeˬ miˇ neh ehˇ naˇ, naw maꞈ-ahˇ lawˬ haw-eu gʼaˇ duˬ maˬ ehˇ, aˬ yawꞈ-ahˇ guˆ-eu baˬ da neh naw maꞈ iˬ baˇ maˬ ya mˇ-eu gʼaˇ duˬ maˬ ehˇ, Miˬyehˇ zaꞈ le-euˬ meh.”

Dawqdaq 14:16

Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.

Dawqdaq 14:27

Sahˬpaˬ Miˬyehˇ-ahˇ guˆ-eu jeˬ-aˬ, dehꞈ-eu saꞈ laˇ lawˇ gawˆ pyeuꞈ-awˇ, shiˇ-eu lahˇ ju-ahˇ gaˇ jaw jaw nya-eu meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Dawqdaq 26:5

Aˬ jaꞈ jaꞈ laˇ gaˇ cehꞈ lehꞈ ka kʼoꞈ nehˬ naˇ, yawˬ haˇ yawˬ ha bi noeˬ siˬ-eu meh.

Dawqdaq 28:11

Pyuˇ shuiˇ jaˆ-eu tsawˇ haˬ yawˬ haˇ yawˬ ha yaw gahˇ ma lehˇ noeˬ-eu meh. Ehˇ kʼawꞈ, tsawˇ haˬ jawˬ gʼehˇ haw duˬ nya-eu iˇ shaˬ zaˬ maˬ tawˬ-a.

Dawqdaq 28:26

Yawˬ ha-euˬ nui noeˬ-ahˇ gʼoe-awˇ dehꞈ-eu tsawˇ haˬ aˬ dzawˬ aˇ gah meh. Yaw gahˇ gahˇ-ehˇ noeˬ-awˇ, zaˬ siˬ tsawˇ gahˇ ahˇ-eu deuˬ neh mehˬ taˬ yaꞈ-euˬ dawˬ-ahˇ gʼoe-awˇ dehꞈ-awˬ.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.