Dawqdaq 3:5 - Akha

⁵ Nawˬ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ gʼoe-awˬ. Yawˬ ha bym-eu byehˆ-eu jeˬ-ahˇ taˬ gʼoe.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawq-euq nuima dawqtawvluf, Ya’we Miqyaer-anr ghoe-awq. Yawqha ghovshaw nya-eu jeq-anr dawqpaeq taqtaq.

Dawqdaq 3:5 ပူးပေါင်းရင်းမြစ်များ

Eˇzaˬlaˬ 8:23

Kʼoeˇ miˇ neh, Miˬyehˇ nga maꞈ-ahˇ haw piˇ nehˬ laꞈ-eu gʼaˇ duˬ nga maꞈ maˬ dzaˬ-eu zahˇ jahˇ-awˇ guiˬ lahˬ shaˇ ngeh, nga maꞈ-euˬ shaˇ dawˬ-ahˇ naˇ haˬ geuꞈ nehˬ laꞈ-euˬ meh.

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Jaceuq 37:5

Nawˬ-euˬdehꞈjeˬdehꞈkawˆdawˬtawˆ, SahˬpaˬMiˬyehˇ-ahˇ a nehˬ-awˬ. Aˬyawꞈ-ahˇgʼoe-awˇdehꞈgʼeh naˇ, aˬyawꞈnawˬ-ahˇngehˬgʼeh tehꞈ-a.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Dawqdaq 22:19

Ngaˇ nawˬ-ahˇ Sahˬpaˬ Miˬyehˇ-ahˇ bi gʼoe mawꞈ-eu ma. Kʼoeˇ miˇ neh dawˬ heu deuˬ nawˬ-ahˇ ngaˇ mehˬ-eu lehˇ gʼeh-eu ma.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 28:26

Yawˬ ha-euˬ nui noeˬ-ahˇ gʼoe-awˇ dehꞈ-eu tsawˇ haˬ aˬ dzawˬ aˇ gah meh. Yaw gahˇ gahˇ-ehˇ noeˬ-awˇ, zaˬ siˬ tsawˇ gahˇ ahˇ-eu deuˬ neh mehˬ taˬ yaꞈ-euˬ dawˬ-ahˇ gʼoe-awˇ dehꞈ-awˬ.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Bawˇtsahˬ 9:20

Tiˬ poˆ na, mˬ dmˇ kʼoeˇ Sehˬ gʼawˆ kʼoeˇ taˆ tiˬ nah nyiˬ nah tehꞈ-ehˇ naˬ-eu meh. Aˬ joˆ-ehˇ pyeuꞈ laˇ-eu kʼawꞈ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ naˬ-awˇ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ luˆ-iˇ-euˬ meh.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Eˇpeˇsu 1:12

Kʼoeˇ miˇ neh, Ka li-ahˇ noeˬ tmˬ beh beh-euˬ deuˬ pyeuꞈ-eu nga maꞈ-aˬ, Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-eu ma.