Dawqdaq 3:24 - Akha

²⁴ Nawˇ nuiˇ luꞈ ngeh, guˆ-eu gaˆ-eu jeˬ maˬ jaˆ-ehˇ, nawˇ yuꞈ ngeh saˇ lehˆ ni ya yuꞈ dehˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawr gayuf ngae, guv-eu jeq maqjav-aer, Nawr coqyuf-awr yufkhav ngae, tmqjawvni ghae taef-a.

Dawqdaq 3:24 ပူးပေါင်းရင်းမြစ်များ

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

Yawˇbaˆ 11:19

Nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za-ehˇ, tsawˇ haˬ gʼawˬ mya ni nawˬ-ahˇ laꞈ jeuˬ shaˇ tehꞈ-a.

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Jaceuq 3:5

Ngaˇ joe yuꞈ-awˇ yuꞈ kʼaˆ luꞈ ngeh, uˬbya bya laˇ noeˬlaˇngeh keuˆ, SahˬpaˬMiˬyehˇ haw piˇ-eu meh.

Jaceuq 3:6

Muiˇ-eu tsawˇhaˬ aˇheˇaˇmuiˇ, jawˬlahˇle gaˇkʼawꞈngaˇmaˬguˆ.

Jaceuq 4:8

Yuˬzaˇ-ahˇngaˇ joe yuꞈleˇngeh, saˇlehˆni yuꞈkʼaˆbyoˆ-eu ma. Ngaˬ-ahˇnui saˇ biꞈnya-eu gʼaˬ, SahˬpaˬMiˬyehˇ-oˇ, nawˇtehꞈmeh.

Jaceuq 91:5

Uˬ ciꞈ paw nawˇ kʼahˬ lahˇ kʼaˇ maˬ za-ehˇ, nah gʼahˇ paw laˆ coeˬ laˆ ciˆ laˇ gaˇ maˬ ya guˆ-a.

Dawqdaq 1:33

Ehˇ kʼawꞈ ngaˬ-euˬ ehˇ dawˬ naˇ haˬ-eu deuˬ ziꞈ dah ni dehꞈ-awˇ, guˆ-eu gaˆ-eu jeˬ maˬ jaˆ-a.”

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawqdaq 6:22

Nawˇ gaˇ ma cah ngeh, dawˬ kʼoeˇ deuˬ nawˬ-ahˇ mehˬ nehˬ-awˇ, nawˇ yuꞈ kʼaˆ ngeh nawˬ-ahˇ loꞈ piˇ-awˇ, nawˇ noeˬ laˇ ngeh, nawˬ-ahˇ dawˬ ja ja cawˬ tehꞈ-a.

Dawˬ tsoˆ 5:12

Gaˇ mˇ-eu tsawˇ haˬ, dzaˬ loꞈ-eu maˬ dzaˬ loꞈ-eu maˬ kaˬ, uˬ ciꞈ yuꞈ kʼaˆ leˇ muiˬ-eu meh. Ehˇ kʼawꞈ, smˇ muiˬ aˬ da myawˬ gahˬ myaˬ-eu miˇ neh, nui noeˬ myaˬ-eu maˬ yuꞈ kʼaˆ leˇ-a.

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Yeˬlaˬmiˇ 31:26

Kʼoeˇ ngeh jawˇ, ‘Ngaˇ yuꞈ kʼaˆ-euˬ noeˬ laˇ ngeh, gʼaˬ ahˇ laˇ-awˇ zoˇ tseuˆ ni miˇ-a’ lehˇ, aˬ yawꞈ maꞈ ja tehꞈ-a.

Yeˬsaˬgeˬlaˇ 34:15

Ngaˬ-euˬ gʼawˇ mawˇ ngaˬ-euˬ yawˇ deuˬ-ahˇ bo-eu gʼaˬ geuꞈ-awˇ, muiˬ-eu gʼaˬ naˬ naˬ duˬ-ahˇ bi naˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.

Yeˬsaˬgeˬlaˇ 34:27

Aˇ bawˇ deuˬ aˇ siˬ siˬ le-awˇ, deh yaˇ-ahˇ dzaˬ la gʼo cehˇ loˆ le-eu uˬ taꞈ, yawˬ gʼaˬ na luꞈ yawˬ ha-euˬ miˇ tsaˬ-ahˇ guˆ kʼaˇ maˬ za ni ya jawˇ tehꞈ-a. Ngaˬ-euˬ tsawˇ haˬ deuˬ daˬ luꞈ-eu shmˇ caˆ ngaˇ gʼeu tsehˆ-awˇ, aˬ yawꞈ maꞈ-ahˇ zaˬ kʼaˆ bi geuꞈ-euˬ deuˬ-euˬ laꞈ-ahˇ bi buˬ-iˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ siˬ duˬ tehꞈ-a.

Uˬ duˬ 26:6

“Miˇ kʼahˬ saˇ-eu jeˬ, naw maꞈ-euˬ miˇ kʼahˬ kʼoeˇ taˆ ngaˇ bi keuˆ le-awˇ, tsawˇ haˬ tiˬ gʼaˬ-ahˇ-iˬ guˆ kʼaˇ maˬ za ni, naw maꞈ ya yuꞈ ya jawˇ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, haiˬ-eu jeˬ zaˬ deuˬ ngaˇ laˆ byoˆ-awˇ, guiˇ deuˆ-eu jeˬ kʼawꞈ maˬ jaˆ ni pyeuꞈ-iˇ tehꞈ-a.

Gʼaˬkʼehˇ 12:6

Aˬ yawꞈ-ahˇ miˇ kʼahˬ zaˬ mehˬ shi Heˬloˆ tsahˇ doˆ-eu lehˇ gʼeh-eu aˇ nah keuˆ le-eu mehˬ hu uˬ ciꞈ kʼoeˇ miˇ-ahˇ, a yawꞈ-ahˇ loꞈ luꞈ-eu yehˇ nyiˬ gʼaˬ-euˬ aˇ kaˬ-ahˇ, Beˬtuˆluˆ yuꞈ kʼaˆ taˬ-euˬ meh. Aˬ yawꞈ-ahˇ shmˇ caˆ nyiˬ caˆ paꞈ tawꞈ taˬ-awˇ, paꞈ kuˆ-euˬ gʼoˆ kʼehˬ-ahˇ kʼawꞈ, yehˇ deuˬ loꞈ luꞈ-eu meh.