Dawqdaq 3:21 - Akha

²¹ Ngaˬ li-oˇ, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ ziꞈ dah ni tuˆ teh taˬ-awˇ, nawˬ-euˬ laꞈ-ahˇ neh taˬ bi iˇ doˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ngaq-euq zaqyo-or! Muiq-eu zaqsiq tsawrganr hawr-eu noeqdanr doe-eu jeq-anr jeqhmq taq-awr, Nawq-euq myavnuiv-anr nae taqbi ghawq-ir.

Dawqdaq 3:21 ပူးပေါင်းရင်းမြစ်များ

Dawqdaq 1:4

Maˬ bym maˬ byehˆ-eu deuˬ-ahˇ bi bym bi byehˆ laˇ nya-awˇ, zaˬ guˬ deuˬ-ahˇ gaˇ dahˇ tsoeˬ-eu tsawˇ haˬ bi pyeuꞈ laˇ nya-eu meh.

Dawqdaq 18:1

Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Dawqdaq 19:8

Zaˬ siˬ tsawˇ gahˇ poˆ-eu tsawˇ haˬ yawˬ haˇ yawˬ ha gaˬ gaˇ duˇ-awˇ, noeˬ siˬ noeˬ mawˇ nya-eu jeˬ ahˇ-eu tsawˇ haˬ baw le za le tehꞈ-a.

Dawqdaq 2:7

Yaw sui yaw dawˇ deuˬ gʼaˇ duˬ muiˬ-eu zaˬ siˬ tsawˇ gahˇ aˬ yawꞈ jeˬ hmˬ taˬ-awˇ, yaw tsaˬ yaw dawˇ tsawˇ haˬ deuˬ-ahˇ aˬ yawꞈ haw piˇ-eu meh.

Dawqdaq 4:21

Dawˬ kʼoeˇ deuˬ maˬ bi iˇ byoˆ ni, nawˬ-euˬ nui ma laꞈ kʼoeˇ juiˇ taˬ-awˬ.

Dawqdaq 4:6

Zaˬ siˬ tsawˇ gahˇ-ahˇ nawˇ maˬ byehˇ dzeh naˇ, aˬ yawꞈ nawˬ-ahˇ bo saˆ tehꞈ-a. Aˬ yawꞈ-ahˇ nawˇ gaˬ naˇ, aˬ yawꞈ nawˬ-ahˇ haw piˇ tehꞈ-a.

Dawqdaq 5:2

Kʼoeˇ loꞈ-ehˇ jahˇ naˇ, nawˇ yaw muiˬ yaw doeˇ tseˇ paˆ nya laˇ-awˇ, nawˬ neh ngehˬ-euˬ dawˬ zaˬ siˬ tsawˇ gahˇ ahˇ tehꞈ-a.

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.

1 Yoˇhaˬ 2:24

Kʼoeˇ miˇ neh, aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-ahˇ nui ma laꞈ kʼoeˇ ziꞈ dah ni tuˆ tehˬ taˬ-awˬ. Guiˬ lahˬ dawˬ kʼoeˇ-ahˇ naw maꞈ tuˆ tehˬ taˬ naˇ, Zaˬmaˇ hawˇ-eu Aˬda Miˬyehˇ laꞈ kʼoeˇ naw maꞈ aˬ myah luꞈ jawˇ tehꞈ-a.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.