Dawqdaq 29:6 - Akha

⁶ Haiˬ-eu tsawˇ haˬ yawˬ ha-euˬ iˬ baˇ-ahˇ teuˆ paꞈ-awˇ, yaw sui yaw dawˇ tsawˇ haˬ kʼahˇ kʼoꞈ kʼaˇ maˬ za ni nui saˇ oꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsawrdoer-aq, yawqha-euq yawbanq yawlaeq-euq baqda’nae, Lanrju-anr pafler taef-a. Aerkhawf, tsaq-awr dawr-eu tsawrhaq-aq, Carcar-aer laqkhaq yacaer taef-a.

Dawqdaq 29:6 ပူးပေါင်းရင်းမြစ်များ

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Jaceuq 118:15

Sahˬpaˬ Miˬyehˇ-euˬ tsawˇ haˬ deuˬ-euˬ sehˬ gʼawˆ-ahˇ, guiˇ deuˆ gʼaˬ-awˇ guˇ luꞈ gaˇ naˇ haˬ sheˇ. Sahˬpaˬ Miˬyehˇ-euˬ baoˬ neh deuˆ gʼaˬ-euˬ meh.

Jaceuq 132:16

Ziˇoˬ-euˬ piˇ ma deuˬ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˇ guiˬ lahˬ biꞈ nehˬ-awˇ, meuˬ zaˬ deuˬ laˬ kʼaˬ cehˇ-awˇ guˇ tehꞈ-a.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Doˆ-iˇ 15:1

Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ deuˬ, caˇ dawˬ heu bymˇ caˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. “Sahˬpaˬ Miˬyehˇ-aˬ, baoˬ yaw shehꞈ kʼahˬ sehˇ huiˬ-awˇ guiˇ deuˆ gʼaˬ-euˬ miˇ neh, aˬ yawꞈ-ahˇ ngaˇ ja ceuˬ ma. Mahˬ kʼoeˇ deuˬ hawˇ-eu mahˬ dziˬ-eu tsawˇ haˬ deuˬ-ahˇ iˬ ma laˆ shaˆ laꞈ kʼoeˇ aˬ yawꞈ biˬ puꞈ jiˇ-euˬ meh.

Dawqdaq 10:28

Yaw tsaˬ yaw dawˇ deuˬ noeˬ tmˬ-eu laˬ kʼaˬ cehˇ-eu jeˬ keuˆ le-awˇ, haiˬ-eu tsawˇ haˬ noeˬ tmˬ-eu jeˬ yawꞈ ngehꞈ meh.

Dawqdaq 12:13

Haiˬ-eu tsawˇ haˬ yawˬ ha-euˬ mehˬ luˬ neh kʼmˇ-euˬ lahˇ ju-ahˇ paꞈ leˇ-awˇ, yaw tsaˬ yaw dawˇ tsawˇ haˬ deuˬ guˆ-eu gaˆ-eu jeˬ-ahˇ ya buˬ-iˇ tehꞈ-a.

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

2 Tiˆmoˇseˬ 2:26

Kʼoeˇ ngeh jawˇ, aˬ yawꞈ maꞈ nui ma-ahˇ noeˬ laˇ-awˇ, aˬ yawꞈ maꞈ-ahˇ kʼmˇ paꞈ-awˇ aˬ yawꞈ-euˬ nui noeˬ bi geuꞈ-euˬ Nehꞈ sahˬ paˬ-euˬ lahˇ ju-ahˇ aˬ yawꞈ maꞈ teuˆ lehˆ doˆ nya tehꞈ-a.

Yaˬkoˆ 1:2

Aˬ yuiꞈ aˬ nyiˇ Ka li zaˬ deuˬ-oˇ, lawˬ haw-eu gʼawˬ mya jeˬ-ahˇ ya tahˬ puˬ ngeh, yaw muiˬ jeˬ keuˆ le-euˬ loꞈ-ehˇ laˬ kʼaˬ cehˇ-awˬ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

1 Yoˇhaˬ 1:4

Nga maꞈ laˬ kʼaˬ cehˇ-eu jeˬ byah laˇ ni, sahˬ boꞈ heu taꞈ naw maꞈ-ahˇ boꞈ nehˬ-eu jeˬ pyeuꞈ-eu ma.

Yaˇ kʼaˬ daˇ 20:41

Kʼoeˇ naˇ, Iˇsaˬleˬlaˆ tsawˇ haˬ deuˬ gʼoꞈ poˆ laˇ-awˇ, Beˬyaˬmiˬ tsawˇ haˬ deuˬ guˆ dui dui-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ ya luˬ ya seˇ-iˇ-eu keuˆ le-euˬ siˬ duˬ leˇ-euˬ meh.