Dawqdaq 29:4 - Akha

⁴ Yaw tsaˬ yaw dawˇ jeˬ-ahˇ gaˬ-eu sahˬ paˬ-aˬ, miˇ kʼahˬ laˆ ziꞈ-awˇ, pyuˇ shuiˇ-ahˇ gaˬ-eu sahˬ paˬ miˇ kʼahˬ laˆ cawˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Dawr-awr tsaq-eu jeq-euq baqda’nae, Sanqpaq mirkhanq lavzif-eu mae. Aerkhawf, lafnmf nmf-eu gar gaq-eu tsawrhaq-aq, Mirkhanq lavcawv-eu mae.

Dawqdaq 29:4 ပူးပေါင်းရင်းမြစ်များ

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

1 Sahˬpaˬ 2:12

Sawˇlaˬmoˬ gʼaˬ aˬ yawꞈ aˬ da-euˬ dah zaˇ sahˬ paˬ geuꞈ-awˇ, ziꞈ dah ni uˆ lahˇ-euˬ meh.

2 Laˬsaˬbaˬ 9:8

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ tsawˇ myahˇ uˬ moˆ nawˬ-ahˇ sahˬ paˬ geuꞈ-awˇ bi uˆ lahˇ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-awˇ, aˬ yawꞈ maꞈ-ahˇ aˬ myah luꞈ ngehˬ gʼeh dah teˬ mawꞈ-eu miˇ neh, zahˇ dawˬ kʼoꞈ dawˬ hawˇ-eu yaw tsaˬ yaw dawˇ jeˬ-ahˇ nawˇ bi mˇ byah-eu gʼaˇ duˬ, aˬ yawꞈ maꞈ kʼoeˇ taˆ nawˬ-ahˇ sahˬ paˬ bi geuꞈ-euˬ nga.”

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Jaceuq 89:14

Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Dawqdaq 14:34

Tsawˇ jeuˬ bi huiˬ bi mahˇ laˇ-eu zaˬ siˬ tsawˇ gahˇ pyeuꞈ-awˇ, tsawˇ jeuˬ byoˆ le ni mˇ-eu gʼaˬ iˬ baˇ meh.

Dawqdaq 16:10

Sahˬ paˬ sahˬ ma-ahˇ Miˬyehˇ bi noeˬ doˆ-eu miˇ neh, yaˇ kʼaˬ daˇ-eu maˬ lehˬ maˬ ca-iˇ-a.

Dawqdaq 16:12

Yaw tsaˬ yaw dawˇ jeˬ kʼoeˇ taˆ dzoeˬ dzaˬ ciˬ nuiˇ taˬ-euˬ miˇ neh, yaw haiˬ jeˬ-ahˇ sahˬ paˬ sahˬ ma deuˬ nui daˆ daˆ-eu meh.

Dawqdaq 20:8

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ, myaˆ nuiˆ baw seu iˬ baˇ baw shawˇ doˆ-mˇ jeˇ.

Dawqdaq 29:14

Sahˬ zaˬ zahˬ zaˬ-ahˇ gʼawˬ shaˬ gaˬ-eu laꞈ kʼoeˇ haw piˇ-eu sahˬ paˬ dzoeˬ dzaˬ ziꞈ-eu meh.

Dawqdaq 8:15

Sahˬ paˬ deuˬ dzoeˬ dzaˬ nya ni ngaˇ caw ba-awˇ, sahˬ ma deuˬ muiˬ-eu zahˇ sahˇ kʼoꞈ taˬ nya ni ngaˇ caw ba nehˬ-eu ma.

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Daˬyeˬlaˇ 11:20

“Aˬ yawꞈ-euˬ dah zaˇ sahˬ paˬ tiˬ gʼaˬ paˇ daˆ laˇ tehꞈ-a. Aˬ yawꞈ-euˬ miˇ kʼahˬ smˇ muiˬ muiˬ laˇ ni, aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyehˬ gʼeh-awˇ, miˇ kʼahˬ zaˬ deuˬ-ahˇ kawˬ yaw kʼaˆ-ehˇ bi taꞈ tehꞈ-a. Gʼawˬ myahˇ maˬ gʼeh-ehˇ sahˬ paˬ kʼoeˇ gʼaˬ bi sehꞈ tehꞈ-a. Ehˇ kʼawꞈ, guiˇ deuˆ gaˇ hawˇ-eu, tsawˇ haˬ mawˇ gaˇ bi sehꞈ-euˬ maˬ ngeuˇ-aˇ.”

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

1 Saˬmeuˬlaˆ 13:13

Sawˇluˆ-ahˇ Saˬmeuˬlaˆ ehˇ nehˬ-eu, “Aˬ dzawˬ aˇ gah-euˬ gaˇ nawˇ mˇ-euˬ ngaˇ. Sahˬpaˬ Miˬyehˇ neh nawˬ-ahˇ biꞈ taˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-a. Nawˇ naˇ haˬ geuꞈ law nmˇ-aˬ, nawˇ hawˇ-eu nawˬ-euˬ zaˬ deuˬ uˆ deuˬ-ahˇ, Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ bi uˆ lahˇ tehꞈ-a.