Dawqdaq 29:27 - Akha

²⁷ Tsawˇ muiˬ tsawˇ doeˇ-ahˇ bye-awˇ, tsawˇ doeˇ tsawˇ muiˬ-ahˇ bye-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Tsaq-awr dawr-eu tsawrhaq-aq, maqtsaq maqdawr-eu tsawrhaq-anr nuidav dav-eu lof-aer, Tsawrcawv-aq, garma-anr nae dawrcoeni daef-eu tsawrhaq-anr nuidav dav-eu mae.

Dawqdaq 29:27 ပူးပေါင်းရင်းမြစ်များ

Jaceuq 101:4

Maˬ sui maˬ dawˇ-eu jeˬ-ahˇ ngaˇ gaˇ jaw jaw-awˇ, yaw haiˬ jeˬ-ahˇ ngaˇ myaˆ maˬ haw cawˬ.

Jaceuq 119:115

Yaw haiˬ jeˬ mˇ-eu tsawˇ haˬ deuˬ-oˇ, ngaˬ-euˬ dawˬ peh taˬ jawˇ. Ngaˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ ma.

Jaceuq 139:21

Sahˬpaˬ Miˬyehˇ-oˇ, nawˬ-ahˇ bye-eu tsawˇ haˬ deuˬ-ahˇ ngaˇ bye dui dui-awˇ, nawˬ-ahˇ puiˬ-eu tsawˇ haˬ deuˬ-ahˇ ngaˇ nui daˆ daˆ dui dui nya.

Jaceuq 139:22

Aˬ yawꞈ maꞈ-ahˇ ngaˇ ehˇ kʼaˇ maˬ za ni bye-awˇ, ngaˬ-ahˇ muiˇ-eu tsawˇ haˬ loꞈ-ehˇ sawˇ taˬ-euˬ ma.

Jaceuq 6:8

Yaw haiˬjeˬmˇ-eu tsawˇhaˬ-oˇ, ngaˇjawˇgaˇneh doˆ-iˇjiˇ-awˬ. Ngaˬneh ngoeˇ-euˬteˇsaˇ heu-ahˇ, SahˬpaˬMiˬyehˇ gaˬgʼaˬ-euˬmeh.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawqdaq 13:19

Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Dawqdaq 24:9

Tsawˇ uˬ-euˬ bawˬ toˆ iˬ baˇ gaˇ kawˆ meh. Aˬ cawˬ-ahˇ maˬ coeˬ maˬ ciˆ ni maˬ dehꞈ nya-eu tsawˇ haˬ-ahˇ tiˬ gʼaˬ-iˬ maˬ haw nahˇ-a. -24-

Dawqdaq 29:10

Aˬ cawˬ-ahˇ sehꞈ-eu tsawˇ haˬ yaw sui yaw dawˇ deuˬ-ahˇ bye-awˇ, yaw tsaˬ yaw dawˇ tsawˇ haˬ aˬ cawˬ-ahˇ ka kʼoꞈ nehˬ-eu meh.

Dawqdaq 30:1

Dawˬ heu deuˬ-aˬ, Yaˬkʼeh-euˬ aˬ li Aˬguˇlaˆ neh ehˇ taˬ-euˬ maˇ jawˆ ni gʼeh-eu dawˬ pyeuꞈ-eu meh. Miˬyehˇ ngaˬ nehˬ-ehˇ maˬ jawˇ-a. Miˬyehˇ ngaˬ nehˬ-ehˇ maˬ jawˇ-a. Ngaˇ tiˬ jeˬ-iˬ gaˇ dahˇ maˬ paˇ tsoeˬ miˇ-a.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

Yoˇhaˬ 15:23

Ngaˬ-ahˇ muiˇ-eu tsawˇ haˬ-aˬ, ngaˬ Da-ahˇ kʼawꞈ muiˇ gaˇ duˇ-eu meh.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

1 Yoˇhaˬ 3:13

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, miˇ tsaˬ zaˬ deuˬ naw maꞈ-ahˇ muiˇ gaˇ taˬ zahˬ leˇ.