Dawqdaq 29:26 - Akha

²⁶ Sahˬ paˬ sahˬ ma deuˬ neh gʼawˬ shaˬ bi haw gaˬ-eu jeˬ-ahˇ yawˬ gʼaˬ na luꞈ geuꞈ mawꞈ-eu meh. Ehˇ kʼawꞈ, yaˇ kʼaˬ daˇ nehˬ-eu gʼaˬ Sahˬpaˬ Miˬyehˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tsawrhaq ghawqmya’ni, uvlanr-eu tsawrhaq-euq ghoer mr-eu jeq za’ni sharpov-eu mae. Aerkhawf, tsawrhaqzaq-anr, dawr-awr tsaq-eu jeq bi keuvle-eu ghaq-aq, Ya’we Miqyaer mae.

Dawqdaq 29:26 ပူးပေါင်းရင်းမြစ်များ

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

2 Saˬmeuˬlaˆ 14:1

Sahˬ paˬ Daˬbiˇ-euˬ nui ma laꞈ kʼoeˇ Aˬbaˇsaˬloˬ-ahˇ yaw kʼaˆ-ehˇ noeˬ luꞈ-eu gaˇ kawˆ, Zeˬluˇyaˆ-euˬ aˬ li Yoˇbaˬ siˬ nya-euˬ meh.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Jaceuq 20:9

Sahˬpaˬ Miˬyehˇ-oˇ, nga maꞈshaˇgaˇnaˇhaˬlaꞈ-awˇ, nawˬ-euˬsahˬpaˬ bi gʼaˬleˇ-awˬ.

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Dawqdaq 16:14

Sahˬ paˬ nui pehˇ tsawˇ shiˇ uˬ kʼawˇ shaˇ-eu miˇ neh, tsawˇ gahˇ ahˇ-eu deuˬ sahˬ paˬ-ahˇ dehꞈ tsaˬ-eu meh.

Dawqdaq 16:15

Sahˬ paˬ myaˆ pyawˬ shiˬ-eu dehꞈ-eu saꞈ laˇ pyeuꞈ-awˇ, aˬ yawꞈ nui ma tsaˬ-eu jeˬ-aˬ, jawˇ la-ahˇ uˬ yehˇ bi yehˇ le-eu mˬ dmˇ-ahˇ duˇ-eu meh.

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawqdaq 19:6

Yawˬ gʼaˬ na luꞈ yaw huiˬ yaw mahˇ-ahˇ myaˆ pyawˬ naˇ mehˇ jahˇ-awˇ, bi dzaˬ bi dawˇ nya-eu tsawˇ haˬ-ahˇ cawˬ cawˬ mawꞈ-eu meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

1 Gawˇliˬtu 4:4

Ngaˬ-euˬ siˬ nya-eu nui ma shawˇ jehˆ ni jaˆ luꞈ ma. Heu loꞈ-ehˇ ehˇ ngeh, ngaˇ iˬ baˇ tiˬ pawꞈ-iˬ maˬ ahˇ lehˇ ehˇ mawꞈ-eu maˬ ngeuˇ. Ngaˬ-euˬ yaw lehˬ-ahˇ pyehˆ tseˇ-eu gʼaˬ-aˬ, Sahˬpaˬ Miˬyehˇ meh.