Dawqdaq 29:24 - Akha

²⁴ Smˇ kʼoeˬ nehˬ-ehˇ cawˬ cawˬ-eu tsawˇ haˬ yawˬ haˇ yawˬ ha muiˇ gaˇ duˇ-eu meh. Dawˇ coe ni ehˇ doˆ naˇ, kʼehˬ-eu kʼaˆ-eu jeˬ-ahˇ ya daˬ-awˇ, maˬ ehˇ doˆ ni zaꞈ byoˆ naˇ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Smrkhoeq naeq-aer gm-eu tsawrhaq-aq, yawqha-euq daefzir-anr byae-eu mae. Aqyawf, yawtsaq yawdawr ngaeq-eu ma laer kamq-eu khawf, tiqjeq-iq maq pandov naeqlaf-a.

Dawqdaq 29:24 ပူးပေါင်းရင်းမြစ်များ

Dawqdaq 15:32

Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Dawqdaq 20:2

Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Dawqdaq 6:32

Aˬ cawˬ aˬ ma-ahˇ bahˬ-eu tsawˇ haˬ, tiˬ gʼaˬ-iˬ gaˇ dahˇ maˬ tsoeˬ-ehˇ, Yawˬ haˇ yawˬ ha laˆ cawˆ-eu meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Maˬkuˆ 11:17

Aˬ yawꞈ maꞈ-ahˇ aˬ yawꞈ mehˬ nehˬ tsoˆ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ, tsawˇ jeuˬ dawˬ tawˆ luꞈ guiˬ lahˬ shaˇ-eu nymˇ lehˇ kuˇ tehꞈ-a’ lehˇ Miˬyehˇ neh ehˇ taˬ-euˬ, Jaˇliꞈ laꞈ kʼoeˇ boꞈ taˬ-euˬ maˬ ngeuˇ-a loˇ. Ehˇ kʼawꞈ, smˇ kʼoeˬ tahˇ joe deuˬ baˇ smˇ duˬ pyeuꞈ laˇ ni naw maꞈ jahˇ luꞈ-eu ngaˇ.”

Yaˇ kʼaˬ daˇ 17:2

Aˬ yawꞈ-euˬ aˬ ma-ahˇ aˬ yawꞈ ehˇ nehˬ-eu, “Nawˬ-eu pyuˇ maˇ byaˆ tiˬ heˇ tiˬ yaˇ byaˆ byoˆ ngeh, smˇ kʼoeˬ-ahˇ nawˇ yaˬ kʼehˇ yaˬ-euˬ ngaˇ gaˬ-euˬ ma. Nawˬ-euˬ pyuˇ kʼoeˇ deuˬ ngaˬ neh yuˇ-awˇ, ngaˇ jawˇ gaˇ jaˆ luꞈ meh.” Aˬ yawꞈ-euˬ aˬ ma ehˇ-eu, “Ngaˬ li-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.”

1 Saˬmeuˬlaˆ 20:2

Yawˇnaˆshaˬ ehˇ-eu, “Miˬyehˇ nawˬ-ahˇ shiˇ gaˇ maˬ bi keuˆ-a. Ngaˬ da-aˬ, huiˬ-eu gaˇ maˬ ehˇ, nyiˇ-eu gaˇ maˬ ehˇ, aˬ yawꞈ kʼaˇ mˇ-eu lehˇ gʼeh-eu jeˬ dawˬ tawˆ luꞈ ngaˬ-ahˇ ehˇ nehˬ laꞈ-eu meh. Gaˇ kawˆ heu hmˬ kʼawꞈ, aˬ yawꞈ ngaˬ-ahˇ maˬ ehˇ nehˬ laꞈ ni maˬ zaꞈ taˬ-aˇ. Nawˇ ehˇ-eu loꞈ-ehˇ maˬ ngeuˇ-eu paˬ”