Dawqdaq 29:18 - Akha

¹⁸ Miˬyehˇ sheuˬ gʼeh-eu mehˬ nah maˬ caw teh-eu tsawˇ jeuˬ-aˬ, zahˇ sahˇ kʼoꞈ maˬ baw ni kʼaˇ dehꞈ mawꞈ-eu dehꞈ-eu meh. Miˬyehˇ-euˬ zahˇ sahˇ kʼoꞈ-ahˇ caw teh-eu tsawˇ haˬ nui saˇ oꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqgeugar maqkaq, panmaeq-eu jeq maqjav nar-aq, Mirkhanqzaq khar daefmawf-eu lof-aer daef-eu mae. Aerkhawf, zanrdawq-anr cantae-eu tsawrhaq-aq, guiqlanqhuiq taef-a.

Dawqdaq 29:18 ပူးပေါင်းရင်းမြစ်များ

2 Laˬsaˬbaˬ 28:19

Yuˇdaˆ sahˬ paˬ Aˬkaˆ-aˬ, miˇ kʼahˬ zaˬ deuˬ-ahˇ aˬ yawꞈ kʼaˇ uˆ lahˇ mawꞈ-eu loꞈ-ehˇ uˆ lahˇ-eu uˬ taꞈ, Sahˬpaˬ Miˬyehˇ-ahˇ yaw zeu maˬ baw-eu miˇ neh, Sahˬpaˬ Miˬyehˇ neh Yuˇdaˆ miˇ kʼahˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

Jaceuq 106:3

Aˬ yawꞈ-euˬ dawˬ-ahˇ naˇ haˬ geuꞈ-awˇ, aˬ myah luꞈ yaw tsaˬ yaw dawˇ jeˬ mˇ-eu deuˬ, guiˬ lahˬ huiˬ tehꞈ-a.

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Jaceuq 74:9

Nga maꞈ-euˬ muiˬ-eu shawˇ-eu mˇ myawˬ keu ka dawˬ tawˆ luꞈ bi laˆ byoˆ jiˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ, tiˬ gʼaˬ-iˬ maˬ dzeˇ-a. Aˇ myah keuˆ ni heu loꞈ-ehˇ ya shaˬ-eu tiˬ gʼa-iˬ maˬ siˬ nya-a.

Doˆ-iˇ 32:25

Aˬloˬ neh Iˇsaˬleˬlaˆ tsawˇ haˬ deuˬ-ahˇ gaˇ ma sheuˬ bahˬ-awˇ, maˬ ha lahˇ nya ni bi pyeuꞈ-iˇ-euˬ uˬ taꞈ, aˬ yawꞈ maꞈ-ahˇ muiˇ-eu deuˬ mehˬ shi shaꞈ dawˇ duˬ doˆ laˇ taˬ-euˬ gaˇ Moˇseˬ ya mawˇ-euˬ meh.

Dawqdaq 19:16

Miˬ yehˇ-euˬ zahˇ dawˬ-ahˇ gʼoe-eu tsawˇ haˬ ziˇ baw-awˇ, zahˇ dawˬ-ahˇ yaw zeu maˬ baw-eu tsawˇ haˬ ziˇ teˬ tehꞈ-a.

Dawqdaq 29:19

Zaˬ kʼaˆ-ahˇ kʼaˬ meh mehˬ boeˬ neh maˬ mehˬ paˇ nya-a. Aˬ yawꞈ gʼoˆ shaw nya kʼawꞈ, naˬ bawˇ-ahˇ maˬ ahˇ leˇ-a.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yaˬkoˆ 1:25

Ehˇ kʼawꞈ, tsawˇ haˬ zaˬ-ahˇ bi buˬ bi law-iˇ-eu byah dui dui-eu zahˇ dawˬ kʼoꞈ dawˬ-ahˇ haw duˬ-awˇ, kʼaˇ ya gaˬ-euˬ jeˬ maˬ ngehˇ byoˆ ni yaw muiˬ paˬ-ehˇ caw teh-awˇ mˇ gʼeh shaˇ gʼeh-eu tsawˇ haˬ-aˬ, aˬ yawꞈ kʼaˇ mˇ kʼaˇ shaˇ-eu jeˬ laꞈ koeˇ Miˬyehˇ guiˬ lahˬ biꞈ nehˬ tehꞈ-a.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

1 Saˬmeuˬlaˆ 3:1

Eˇliˆ neh mehˬ nehˬ tsoˆ nehˬ-euˬ loꞈ-ehˇ, Sahˬpaˬ Miˬyehˇ-euˬ gaˇ-ahˇ Saˬmeuˬlaˆ mˇ luꞈ-eu aˇ nah aˇ yamˬ kʼoeˇ yamˬ laꞈ kʼoeˇ, Sahˬpaˬ Miˬyehˇ neh bi tsaꞈ le-euˬ dawˬ-ahˇ yaw kʼaˆ-ehˇ maˬ ya gaˬ-ehˇ, Sahˬpaˬ Miˬyehˇ neh pah mehˬ nehˬ-euˬ jeˬ-ahˇ kʼawꞈ yaw kʼaˆ-ehˇ maˬ ya mawˇ ni pyeuꞈ-iˇ-euˬ meh.