Dawqdaq 29:17 - Akha

¹⁷ Nawˬ li-ahˇ yaw muiˬ paˬ-ehˇ mehˬ nehˬ tsoˆ nehˬ naˇ, nawˇ kʼahˬ sehˇ za tehꞈ-a. Nawˇ bi shaꞈ dawˇ-eu jeˬ aˬ yawꞈ tiˬ jawˇ-iˬ maˬ mˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawq-euq zaqyo-anr dzawpar naeq-awq. Khoerlof-aer janr nar-aq, nawq-anr ghaqnaq biza naeqlaf-awr, Nawq-euq nuima-anr laqkhaq bicaer naeqlaf taef-a.

Dawqdaq 29:17 ပူးပေါင်းရင်းမြစ်များ

Dawqdaq 10:1

Heu-aˬ, Sawˇlaˬmoˬ-euˬ dawˬ daˬ deuˬ meh. Nui ma-ahˇ noeˬ-eu aˬ li-aˬ, aˬ da-ahˇ nui saˇ bi oꞈ-awˇ, aˬ dzawˬ dzawˬ-eu aˬ li-aˬ, aˬ ma-ahˇ shaˬ zahˬ ciˬ pi-eu meh.

Dawqdaq 13:24

Daˇ cuiˇ neh maˬ zuiˆ-eu aˬ da-aˬ, yawˬ ha-euˬ aˬ li-ahˇ maˬ gaˬ-a. Yawˬ ha-euˬ zaˬ-ahˇ gaˬ-eu tsawˇ haˬ, yaw kʼaˆ kʼaˆ-ehˇ mehˬ-eu tsoˆ-eu meh.

Dawqdaq 19:18

Aˇ yamˬ tsaˬ ngeh zaˬ-ahˇ mehˬ paˇ tsoˆ paˇ-awˬ. zaˬ cawˆ-iˇ ni gʼaˬ baꞈ taˬ baꞈ.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

Dawqdaq 29:15

Zaˬ-ahˇ diˬ diˬ-ehˇ mehˬ nehˬ tsoˆ nehˬ-eu jeˬ-aˬ, zaˬ gʼaˇ duˬ muiˬ-eu meh. Kʼaˇ dehꞈ mawꞈ-eu bi dehꞈ naˇ, aˬ ma-euˬ myaˆ pyawˬ-ahˇ kʼaˬ naˆ sawˆ nya-eu meh.