Dawqdaq 29:10 - Akha

¹⁰ Aˬ cawˬ-ahˇ sehꞈ-eu tsawˇ haˬ yaw sui yaw dawˇ deuˬ-ahˇ bye-awˇ, yaw tsaˬ yaw dawˇ tsawˇ haˬ aˬ cawˬ-ahˇ ka kʼoꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Shiq maef-eu tsawrhaq-aq, Aerkhar maqza’ni daef-eu tsawrhaq-anr byae-eu khawf, Dawrcoeni daef-eu tsawrhaq-aq, Cawba-eu laer laejae-eu mae.

Dawqdaq 29:10 ပူးပေါင်းရင်းမြစ်များ

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

2 Laˬsaˬbaˬ 18:7

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-ahˇ yaw muiˬ jeˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ aˬ yawꞈ ngehˬ dah-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

Jaceuq 59:2

Haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Aˬ cawˬ-ahˇ sehꞈ-eu deuˬ-euˬ laꞈ-ahˇ, ngaˬ-ahˇ bi dzeuˇ-iˇ laꞈ.

Dawqdaq 13:19

Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Dawqdaq 29:27

Tsawˇ muiˬ tsawˇ doeˇ-ahˇ bye-awˇ, tsawˇ doeˇ tsawˇ muiˬ-ahˇ bye-eu meh.

Dawqdaq 29:9

Tsawˇ gahˇ ahˇ-eu tsawˇ haˬ aˬ dzawˬ aˇ gah nehˬ-ehˇ yaˇ kʼaˬ ja ngeh, aˬ dzawˬ aˇ gah uiˇ uiˇ-ehˇ, dawˬ kʼaˆ ngehˬ-awˇ tsawˇ pyehˇ pyehˇ-eu meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Yeˬlaˬmiˇ 38:7

Ehˇ kʼawꞈ, aˬ yawꞈ maꞈ neh ngaˬ-ahˇ lah duˬ laꞈ kʼoeˇ nyehꞈ ahˇ-euˬ gaˇ kawˆ-ahˇ, sahˬ paˬ-euˬ hawˇ nymˇ laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Suˬdaˬ tsawˇ haˬ Eˇbehˆmeˬlehˆ ya gaˬ-euˬ meh. Kʼoeˇ ngeh, Beˬyaˬmiˬ lahˇ kʼehˬ dawˬ peh sahˬ paˬ nuiˇ luꞈ-eu meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Yoˇhaˬ 5:34

Ngaˬ-euˬ gaˇ kawˆ aˬ cawˬ saˇ kiˇ bi kamˬ-eu lehˇ ngaˇ heu loꞈ-ehˇ ehˇ-eu maˬ ngeuˇ. Naw maꞈ ka kʼoꞈ-eu jeˬ bi za ni ehˇ-eu ma.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.