Dawqdaq 28:23 - Akha

²³ Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Arsaq saqlar ngae-aq, Dawqja nya-eu maeqlar tsof-eu ghaq-anr navmaqtser, Maeqpar naeq-eu ghaq-anr noeqmuiq dzaeq-eu gar ya’mawr taef-a.

Dawqdaq 28:23 ပူးပေါင်းရင်းမြစ်များ

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

1 Sahˬpaˬ 1:23

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ laˇ keuˆ-euˬ gaˇ kawˆ sahˬ paˬ-ahˇ tsaꞈ gaˬ gʼaˬ ngeh, Naˬdaˬ uˇ leˇ-awˇ, sahˬ paˬ-euˬ mehˬ shi awˆ byaˆ-awˇ yaw zeu baw nehˬ-euˬ meh.

Yawˇbaˆ 32:21

Ngaˇ tiˬ paw-iˬ maˬ pyawˬ-ehˇ, myaˆ pyawˬ huiˬ nyiˇ maˬ tseˇ ni ja ma.

Yawˇbaˆ 32:22

Ngaˬ-ahˇ myaˆ pyawˬ huiˬ nyiˇ maˬ tseˇ nya nya. Kʼoeˇ loꞈ-ehˇ jahˇ naˇ, Miˬyehˇ ngaˬ-ahˇ ja pyuˬ ni kʼehˬ nehˬ laꞈ tehꞈ-a.

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 24:25

Ehˇ kʼawꞈ, mˇ bahˬ-euˬ tsawˇ haˬ-ahˇ oꞈ-eu geuˇ-eu loꞈ-ehˇ kʼehˬ nehˬ-eu yaˇ kʼaˬ daˇ-eu gʼaˬ guiˬ lahˬ huiˬ-awˇ, aˬ cawˬ yaw zeu baw tehꞈ-a.

Dawqdaq 29:5

Yawˬ ha-euˬ cawˬ-ahˇ ja poeˬ nehˬ-eu tsawˇ haˬ-aˬ, yawˬ haˇ yawˬ ha lahˇ ju kʼmˇ gaˇ duˇ-eu meh.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Gaˬlaˬtiˆ 2:11

Ehˇ kʼawꞈ, Aˬdiˇawˬ meuˬ-ahˇ Beˬtuˆluˆ laˇ keuˆ ngeh, aˬ yawꞈ neh mˇ-euˬ maˬ tsaˬ-eu miˇ neh, aˬ cawˬ mehˬ shi aˬ yawꞈ-ahˇ ngaˇ dehˬ-euˬ ma.