Dawqdaq 28:16 - Akha

¹⁶ Nui ma-ahˇ maˬ noeˬ-eu sahˬ paˬ-aˬ, gʼawˬ shaˬ maˬ gaˬ ni kʼehˬ-eu kʼaˆ-euˬ meh. Maˬ sui maˬ dawˇ-eu jeˬ-ahˇ bye-eu sahˬ paˬ ziˇ baw-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ghovshaw nya-eu jeq, maqanr-eu uvlanr-eu tsawrhaq-aq, Yawkhav-aer khaeq-awr khav-eu tsawrhaq pyeuf-eu mae. Aerkhawf, maerjuir juir-eu jeq-anr byae-eu tsawrhaq-aq, zir baw-eu mae.

Dawqdaq 28:16 ပူးပေါင်းရင်းမြစ်များ

1 Sahˬpaˬ 12:10

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ heu loꞈ-ehˇ ehˇ kʼoꞈ nehˬ-awˬ. Ngaˬ-euˬ caˇ caˬ-aˬ, ngaˬ da-euˬ joꞈ naˆ maˬ tseˇ huiˬ dzehˬ ma lehˇ ehˇ nehˬ-awˬ.

1 Sahˬpaˬ 12:14

Zaˬ guˬ deuˬ neh biꞈ-euˬ nui noeˬ nui duˇ-ahˇ aˬ yawꞈ naˇ haˬ geuꞈ-awˇ, tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-euˬ meh. “Kah dui dui-eu kʼaˆ behˆ, ngaˬ da neh naw maꞈ-ahˇ ciˬ baꞈ ciˬ pi nehˬ-euˬ-meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ kʼoeˇ taˆ ciˬ pi nehˬ ma. Ngaˬ da-aˬ, naw maꞈ-ahˇ aˇ caˆ neh tehꞈ-ehˇ juiꞈ-euˬ meh. Ehˇkʼawꞈ ngaˇ-aˬ, boeˬ kaˬ laˬ ma neh naw maꞈ-ahˇ nyehꞈ kawꞈ ma.”

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Doˆ-iˇ 18:21

Kʼoeˇ uˬ taꞈ, tsawˇ haˬ heu deuˬ-ahˇ bi haw bi pyaˆ-eu gʼaˇ duˬ, gʼeh nya-eu deuˬ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-eu tsaˬ tehꞈ-a. Aˬ yuiꞈ aˬ tsu geuꞈ-eu tsawˇ haˬ kʼoeˇ deuˬ-aˬ, Miˬyehˇ-ahˇ guˆ-awˇ, jah coeˇ paˬ-ehˇ gʼeh-eu uˬ taꞈ, pyuˇ shuiˇ myaˆ pyawˬ-ahˇ maˬ haw-eu yaw tsaˬ yaw dawˇ tsawˇ haˬ deuˬ ya bi pyeuꞈ tehꞈ-a.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawˬ tsoˆ 10:16

Dzoeˬ dzaˬ-eu sahˬ paˬ aˇ kʼoꞈ nahˬ-awˇ, uˆ lahˇ-eu aˬ yuiꞈ aˬ tsu deuˬ uˬ ciꞈ miˇ lah-ehˇ dzaˬ byawˬ dawˇ byawˬ-eu miˇ kʼahˬ-aˬ, shaˬ zahˬ naꞈ-eu miˇ kʼahˬ meh.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.