Dawqdaq 28:14 - Akha

¹⁴ Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqmyanluf, Ya’we Miqyaer-anr guv-eu tsawrhaq-aq, guiqlanqhuiq taef-a. Aerkhawf, nuima lavghanr-eu tsawrhaq-aq, Lavbyov lavbyav-eu jeq-anr ga’anr taef-a.

Dawqdaq 28:14 ပူးပေါင်းရင်းမြစ်များ

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 112:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 2:11

Guˆ-eu nui ma ahˇ-eu laꞈ kʼoeˇ, SahˬpaˬMiˬyehˇ-euˬgaˇmˇ-awˬ. Guˆ-awˇ yaw dzuˬdzuˬ-eu laꞈkʼoeˇ, aˬkuiˇ uˬmoˆ awˆbyaˆ leˇ-awˬ. Yawꞈ-euˬ nui pehˇ ga keuˆ le naˇ, ja pyuˬni ya shiˇjiˇtehꞈ-a. Yawꞈ-ahˇ tahˬshaˇleˇ-eu deuˬ-aˬ, guiˬlahˬhuiˬ-eu tsawˇhaˬmeh.

Jaceuq 95:8

“Maˬ sah kʼaˇ shuiꞈ deh yaˇ-ahˇ jaˆ-eu Meˬliˇbaˬ lawˇ gawˆ-ahˇ, naw maꞈ-euˬ aˬ poeˬ aˬ bawˇ deuˬ nui ma gʼahˇ-euˬ loꞈ-ehˇ, naw maꞈ nui ma taˬ gʼahˇ. Kʼoeˇ ngeh nah aˬ yawꞈ maꞈ gʼeh-euˬ loꞈ-ehˇ, naw maꞈ taˬ gʼeh.

Doˆ-iˇ 14:23

Iˇjiˇtuˆ tsawˇ haˬ deuˬ kʼawꞈ, Iˇsaˬleˬlaˆ tsawˇ haˬ deuˬ mehˬ nah caw teh-awˇ, mahˬ deuˬ, mahˬ laˆ lawˬ deuˬ hawˇ-eu mahˬ laˆ lawˬ teh-eu tsawˇ haˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ-euˬ mehˬ nah caw caw-ehˇ, iˬ ma laˆ shaˆ laꞈ kʼoeˇ iˇ uˇ gʼeh-euˬ meh.

Doˆ-iˇ 7:22

Kʼoeˇ ngeh, sahˬ paˬ kʼoeˇ gʼaˬ-euˬ mah loˬ nya-eu tsawˇ haˬ deuˬ kʼawꞈ, aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ nya-eu miˇ neh, sahˬ paˬ kʼoeˇ gʼaˬ nui ma maˬ paˇ laˇ-ehˇ, dzeuˇ laˇ ngeh loꞈ-ehˇ nui ma gʼahˇ-eu meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Moˇseˬ hawˇ-eu Aˬ loˬ-euˬ ehˇ dawˬ-ahˇ, sahˬ paˬ kʼoeˇ gʼaˬ maˬ naˇ haˬ ni jawˇ-eu meh.

Doˆ-iˇ 7:23

Aˬ yawꞈ-euˬ nymˇ nymˇ ma-ahˇ aˬ yawꞈ gʼoꞈ leˇ-awˇ, aˬ yawꞈ-ahˇ tiˬ jeˬ-iˬ maˬ deuˬ leˇ ni, tiˬ jeˬ-iˬ maˬ gʼeh-eu loꞈ-ehˇ jawˇ leˇ-euˬ meh.

Dawqdaq 23:17

Iˬ baˇ mˇ-eu deuˬ-ahˇ myaˆ taˬ naˆ. Nawˬ-euˬ tiˬ ziˇ Sahˬ paˬ Miˬ yehˇ-ahˇ yaw zeu baw-eu jeˬ taˬ bi byoˆ-iˇ.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.