Dawqdaq 27:6 - Akha

⁶ Cawˬ yaw muiˬ-aˬ, nawˬ-ahˇ jahˇ coeˬ nehˬ laꞈ kʼawꞈ yaw muiˬ meh. Ehˇ kʼawꞈ, muiˇ-eu tsawˇ haˬ nawˬ-euˬ baꞈ pu-ahˇ byaˇ tawꞈ laˇ ngeh, yaw kʼaˆ kʼaˆ-ehˇ yahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Cawq nae lavnar naeqlaf-euq jeq-aq, sarjax pyeuf-awr, Muir-eu tsawrhaq-euq maeqsaw-aq, ardzaeq dzeur-eu mae.

Dawqdaq 27:6 ပူးပေါင်းရင်းမြစ်များ

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 10:18

Bye-eu jeˬ yuˇ zaꞈ taˬ-euˬ tsawˇ haˬ jaˬ myawꞈ myawꞈ-awˇ, yaw doeˇ ja byah-eu tsawˇ haˬ aˬ dzawˬ meh.

Dawqdaq 20:30

Tsawˇ haˬ zaˬ-euˬ nui ma laˆ paˇ-eu jeˬ, maˇ naˇ-ahˇ kawˆ shawˇ-eu loꞈ-ehˇ naˇ laˇ-eu meh.

Dawqdaq 27:7

Uˬ maˆ dehˆ ngeh byaˬ byaˬ uiˇ-ahˇ maˬ haw nahˇ kʼawꞈ, mehꞈ le shuꞈ le-euˬ mehˬ hu, gʼawˬ kʼaˬ yaw coeˇ coeˇ-eu meh.

Dawqdaq 28:23

Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.