Dawqdaq 27:24 - Akha

²⁴ Aˬ jeˬ miˇ neh ehˇ naˇ, pyuˇ shuiˇ myawˬ gahˬ aˬ myah luꞈ maˬ gmˬ-ehˇ, miˇ kʼahˬ kʼawꞈ aˬ myah luꞈ maˬ ziꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aqjeq mirnae aernar-aq, Pyurshuir myawqganq-aq, aqmyanluf maqgmq-aer, Shuir uqkhov khawf, tiqzir sair tiqzir maq zifnya-a.

Dawqdaq 27:24 ပူးပေါင်းရင်းမြစ်များ

2 Saˬmeuˬlaˆ 7:16

Nawˬ-euˬ zaˬ nawˬ-euˬ uˆ deuˬ aˬ myah luꞈ maˬ tsehˆ leˇ ni dehꞈ-awˇ, nawˬ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ tehꞈ-a. Nawˬ neh nuiˇ-euˬ dzoeˬ dzaˬ nuiˇ mahˬ kʼawꞈ, tiˬ jawˇ-iˬ aˇ saˬ saˬ-euˬ maˬ baw-aˇ’ lehˇ, ngaˬ-euˬ zaˬ kʼaˆ Daˬbiˇ-ahˇ ehˇ nehˬ-awˬ.”

Yawˇbaˆ 19:9

Ngaˬ-euˬ pyuˇ shuiˇ myawˬ gahˬ dawˬ tawˆ luꞈ aˬ yawꞈ yuˇ gʼeh-awˇ, ngaˬ-euˬ myaˆ pyawˬ naˇ mehˇ laˆ cawˆ nehˬ laꞈ-euˬ meh.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Jaceuq 89:39

Nawˬ-euˬ zaˬ kʼaˆ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ byehˇ-awˇ, aˬ yawꞈ-euˬ shuiˇ uˬ kʼoˆ lah yaˬ-ahˇ biˬ pahˬ nehˬ-euˬ meh.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Yeˬsaˬgeˬlaˇ 21:26

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Nawˬ-euˬ shuiˇ uˬ kʼoˆ hawˇ-eu nawˬ-euˬ uˬ dzahˬ lehˆ dzeh-awˬ. Miˇ kʼahˬ poˆ laˆ paˇ laˇ-euˬ meh. Yaw shaˬ zaˬ-ahˇ uˆ lahˇ-eu baoˬ biꞈ-awˇ, uˆ lahˇ luꞈ-eu tsawˇ haˬ deuˬ yuˇ ka-awˬ.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Yaˬkoˆ 1:10

Smˇ muiˬ muiˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ taˬ awˆ nehˬ ngeh laꞈ kʼaˬ cehˇ-eu tsaˬ meh. Aˬ jeˬ miˇ neh ehˇ naˇ, smˇ muiˬ muiˬ-eu tsawˇ haˬ-aˬ, yaˇ moꞈ aˇ yehˆ loꞈ-ehˇ ya byoˆ-iˇ tehꞈ-a.

1 Saˬmeuˬlaˆ 13:14

Nymˬ-mˇ poˆ jawˇ-aˬ, Iˇsaˬleˬlaˆ miˇ kʼahˬ-ahˇ nawˇ aˬ myah luꞈ maˬ paˇ ya uˆ lahˇ meh. Aˬ yawꞈ nui ma tsaˬ-eu tsawˇ haˬ tiˬ gʼaˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ tsawˇ jeuˬ-ahˇ uˆ lahˇ-eu gʼaˬ bi geuꞈ tehꞈ-a.”