Dawqdaq 27:23 - Akha

²³ Yawˬ ha-euˬ yawˇ hawˇ-eu mawˇ neˇ-ahˇ yaw muiˬ paˬ-ehˇ bo saˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yawqha-euq yawrmaf, aqjox-aer pyeufluf-eu nga laer yawmuiq-aer siqnya-awr, Mawrner mawrmaf-anr yawmuiq paq-aer bosav-awq.

Dawqdaq 27:23 ပူးပေါင်းရင်းမြစ်များ

Aˇ dahˬ 33:13

Yaˬkoˆ ehˇ-eu, “Nawˇ mawˇ luꞈ-eu loꞈ-ehˇ, ngaˬ-euˬ zaˬ deuˬ yaw nyiˇ-a siˬ. Jeˬ zaˬ deuˬ laꞈ kʼoeˇ yaw nahˬ deuˬ kʼawꞈ keuˬ-a siˬ. Tiˬ nah laꞈ kʼoeˇ tehꞈ-ehˇ aˇ dzehˬ-ehˇ teh kawˇ dzeuˇ naˇ, shiˇ jiˇ tehꞈ-a.

2 Laˬsaˬbaˬ 26:10

Deh ga doe ni kʼawꞈ, ziꞈ dah ni gʼeh-eu loꞈ-eu nymˇ goˇ deuˬ tsoˆ taˬ-awˇ, iˇ cuꞈ lah gʼawˬ mya ni duˬ taˬ-euˬ meh. Aˬ jeˬ miˇ neh ehˇ naˇ, nahˇ ma ga kʼehˬ paw gawˬ jawˬ dawˬ dahˬ hawˇ-eu deh ga deuˬ-ahˇ, aˬ yawꞈ jeˬ zaˬ gʼawˬ mya ni cu taˬ-euˬ meh. Ka dzaˬ ka dawˇ-eu paw aˬ yawꞈ nui ma ahˇ-eu loꞈ-ehˇ gawˬ jawˬ gawˬ duˇ doe ni aˬ gaꞈ yaˇ kmˇ mˇ-eu gʼaˇ duˬ maˬ ehˇ, miˇ muiˬ muiˬ-eu miˇ tsaˬ deuˬ yawꞈ ngehꞈ-ehˇ maˬ bi jaˆ ni mˇ dzaˬ-eu gʼaˇ duˬ maˬ ehˇ, miˇ kʼahˬ zaˬ deuˬ-ahˇ aˬ yawꞈ gʼaˬ biꞈ-euˬ meh.

Doˆ-iˇ 7:23

Aˬ yawꞈ-euˬ nymˇ nymˇ ma-ahˇ aˬ yawꞈ gʼoꞈ leˇ-awˇ, aˬ yawꞈ-ahˇ tiˬ jeˬ-iˬ maˬ deuˬ leˇ ni, tiˬ jeˬ-iˬ maˬ gʼeh-eu loꞈ-ehˇ jawˇ leˇ-euˬ meh.

Dawqdaq 24:27

Deh ma baw laˇ-awˇ, dzaˬ duˬ dawˇ duˬ maˬ dah laˇ kʼoeˇ keuˆ ni, nymˇ tsoˆ-awˇ nymˇ dahˬ taˬ dahˬ dzaˬ.

Dawqdaq 24:32

Kʼoeˇ gaˇ haw-awˇ shaˇ noeˬ ngeh, dzaw geuꞈ duˬ heu loꞈ-ehˇ mawˇ-euˬ ma.

Yeˬlaˬmiˇ 31:10

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Yeˬsaˬgeˬlaˇ 34:31

“Naw maꞈ ngaˬ-euˬ yawˇ ma. Ngaˬ-euˬ gaˆ dzaˬ duˬ-ahˇ gaˆ-eu naw maꞈ-aˬ, ngaˬ-euˬ yawˇ, ngaˬ-euˬ tsawˇ jeuˬ pyeuꞈ-awˇ, ngaˇ naw maꞈ-euˬ Miˬyehˇ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yoˇhaˬ 10:3

Gʼoˆ kʼehˬ-ahˇ loꞈ-eu gʼaˬ aˬ yawꞈ-ahˇ laˇ gʼoˆ pah nehˬ-awˇ, yawˇ deuˬ aˬ yawꞈ-euˬ teˇ saˇ ya gaˬ-awˇ, aˬ yawꞈ-euˬ yawˇ deuˬ-ahˇ aˬ yawꞈ tsawˇ myahˇ kuˇ kuˇ-ehˇ laꞈ nyiˇ sheuˬ doˆ gʼeh-eu meh.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

1 Saˬmeuˬlaˆ 17:28

Tsawˇ haˬ kʼoeˇ deuˬ nehˬ-ehˇ Daˬbiˇ kʼoeˇ loꞈ-ehˇ ngehˬ cawˬ luꞈ gaˇ, Daˬbiˇ-euˬ aˇ doˆ aˬ yuiꞈ yuiꞈ saˬ gʼaˬ pyeuꞈ-eu Eˇliˇbaˆ gʼaˬ ya gaˬ ngeh, Daˬbiˇ-ahˇ nui ma pehˇ laˇ-awˇ, heu loꞈ-ehˇ dehˬ-euˬ meh. “Nawˇ heu gaˇ aˬ jeˬ gʼeh laˇ teˬ. Bawˇ tsahˬ bawˇ dahˇ-ahˇ bi jawˇ-euˬ yawˇ kʼoeˇ deuˬ-ahˇ aˬ suˇ gʼaˬ bi haw yaꞈ teˬ. Zaˬ zaˬ uˬ zaˬ dawˆ nawˇ. Aˬ cawˬ guiˇ deuˆ gaˇ haw laˇ-eu lehˇ laˇ-euˬ maˬ ngeuˇ loˇ teu.”