Dawqdaq 27:20 - Akha

²⁰ Tsawˇ haˬ zaˬ-euˬ nui kʼahˇ-aˬ, shiˇ-eu miˇ kʼahˬ-ahˇ duˇ-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Shiqbuir lanma hawr-eu lavcawv-eu jeq-aq, Byanlar-eu maqbaw-eu lof-aer, Tsawrhaq-euq myavnuiv khawf, Hawdaev-euq maqbaw-a.

Dawqdaq 27:20 ပူးပေါင်းရင်းမြစ်များ

Yawˇbaˆ 26:6

Shiˇ-eu miˇ kʼahˬ dehˬ kaˬ taˬ-euˬ jeˬ maˬ jaˆ-ehˇ, Miˬyehˇ mehˬ shi bya tsehˆ ni jaˆ-eu meh.

Dawqdaq 15:11

Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawqdaq 27:19

Iˇ cuꞈ-ahˇ cu hu naˇ yawˬ ha-euˬ myaˆ pyawˬ ya mawˇ-awˇ, yawˬ ha-euˬ nui ma-ahˇ cu hu naˇ, yawˬ haˇ yawˬ ha ya mawˇ tehꞈ-a.

Dawˬ tsoˆ 1:8

Gaˇ kawˆ kʼaˇ ngeuˇ-eu dawˬ tawˆ luꞈ, noeˬ shaˬ-eu jeˬ tehꞈ-ehˇ pyeuꞈ-awˇ, kʼaˬ meh neh maˬ ja jiˇ coeˇ-ehˇ, maˬ gaˬ maˬ mawˇ doe jiˇ coeˇ-a.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 6:7

Tsawˇ haˬ zaˬ kʼaˇ mˇ-eu gaˇ dawˬ tawˆ luꞈ, yawˬ ha uˬ maˆ poˆ dehˆ-eu gʼaˇ duˬ meh. Ehˇ kʼawꞈ, kʼaˬ meh-euˬ nui kʼahˇ maˬ mˇ byah nehˬ nya-a.

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Haˬbaˬkuˆ 2:5

Jiˇ baˬ maˇ tsaꞈ saˇ jaˇ maˬ jawˇ. Aˇ gah kʼoeˇ gah jawˇ naˬ maˬ mˇ. Pyuˇ shuiˇ nui kʼahˇ ciˇ tahˬ miˇ oˆ, aˬ yawꞈ shiˇ ngeh nui kʼahˇ maˬ jiˇ. Tsawˇ jeuˬ dawˬ tawˆ deuˆ gʼaˬ jiˇ-awˇ, miˇ tsaˬ zaˬ paꞈ uiˬ jiˇ-euˬ meh.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.