Dawqdaq 27:12 - Akha

¹² Nui ma-ahˇ noeˬ-eu tsawˇ haˬ-aˬ, guˆ-eu gaˆ-eu jeˬ keuˆ le gaˇ haw mawˇ-awˇ, yahˇ dzeuˇ nya tehꞈ-a. Ehˇ kʼawꞈ, nui ma-ahˇ maˬ noeˬ-eu tsawˇ haˬ-aˬ, nyiˬ paˆ-ehˇ iˇ gʼeh-awˇ, gʼawˬ shaˇ shaˬ-ehˇ gʼeh tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Noeqsiq noeqmawr nya-eu tsawrhaq-aq, Yawcawv jeq oe nga laer hawmawr-awr caevzaf-eu mae. Aerkhawf, maqdzaw-euq zaq-aq, Maeqhu paw can’ur ghae-awr, khaeq-eu gar yadaq-eu mae.

Dawqdaq 27:12 ပူးပေါင်းရင်းမြစ်များ

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Dawqdaq 22:3

Nui ma-ahˇ noeˬ-eu deuˬ shaˬ zahˬ-ahˇ haw mawˇ-awˇ jaw dzeuˇ nya kʼawꞈ, nui ma-ahˇ maˬ noeˬ-eu deuˬ nyiˬ paˆ-ehˇ iˇ gʼeh-awˇ, gʼawˬ shaˇ shaˬ-ehˇ gʼeh-iˬ-eu meh.

Dawqdaq 27:11

Ngaˬ li-oˇ, zaˬ siˬ tsawˇ gahˇ ahˇ-eu tsawˇ haˬ bi pyeuꞈ laˇ-awˬ. Ngaˇ laˬ kʼaˬ cehˇ ma. Ngaˬ-ahˇ ja doeˇ mawꞈ-eu tsawˇ haˬ deuˬ-ahˇ ngaˇ ngehˬ kʼoꞈ tmˇ kʼoꞈ nehˬ nya tehꞈ-a.

Dawqdaq 27:13

Boeˇ miˬ siˬ kʼaˬ-euˬ dziˇ dzoˆ tsoeˬ ma lehˇ kʼamˬ peuˬ gaˇ keuˆ ni dzawˬ-eu tsawˇ haˬ-aˬ, yawˬ ha-euˬ myawˬ gahˬ ya biꞈ daˇ gaˇ keuˆ tehꞈ-a.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

2 Beˬtuˆluˆ 3:7

Ehˇ kʼawꞈ, nymˬ-mˇ jaˆ luꞈ-eu mˬ hawˇ-eu miˇ heu deuˬ kʼawꞈ, Miˬyehˇ-euˬ dawˬ aˬ yawꞈ tiˬ dawˬ neh maˬ bi cawˆ-iˇ ni jeˬ hmˬ daˆ laꞈ-euˬ jeˬ pyeuꞈ-eu meh. Kʼoeˇ-aˬ, miˬ dzaˬ neh paˇ bi laˆ cawˆ-eu gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh. Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ yaˇ kʼaˬ daˇ nehˬ-awˇ laˆ luˬ laˆ seˇ nehˬ-eu aˇ nah kʼoeˇ nah gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh.