Dawqdaq 25:3 - Akha

³ Sahˬ paˬ tiˬ gʼaˬ-euˬ nui noeˬ-ahˇ nawˇ maˬ siˬ jiˇ nya-a. Aˬ yawꞈ-euˬ nui noeˬ mˬ loꞈ-ehˇ goˇ-awˇ, iˬ ma laˆ shaˆ loꞈ-ehˇ naꞈ-eu miˇ neh, aˬ dui maˬ teh miˇ coeˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Mq gor-awr mirtsaq naf-eu lof-aer durni, Sanqpaq deuq-euq nuima-anr pov ngae, maq povduq nya-a.

Dawqdaq 25:3 ပူးပေါင်းရင်းမြစ်များ

1 Sahˬpaˬ 4:29

Huiˬ dui dui-eu zaˬ siˬ tsawˇ gahˇ, naꞈ dui dui-eu noeˬ siˬ noeˬ mawˇ nya-eu jeˬ hawˇ-eu, maˬ ehˇ jiˇ coeˇ-eu nui gahˇ deuˬ, Sawˇlaˬmoˬ-ahˇ Miˬyehˇ biꞈ-euˬ meh.

Jaceuq 103:11

Aˬ yawꞈ-ahˇ taˬ huiˬ-euˬ tsawˇ haˬ-ahˇ aˬ yawꞈ gaˬ-eu jeˬ mˬ naˆ ni goˇ-eu meh.

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Dawqdaq 25:4

Pyuˇ pyuˇ kʼoˇ laꞈ kʼoeˇ ahˇ-eu maˬ muiˬ-eu deuˬ kʼaˇ shawˇ doˆ ngeh, ba jiˬ tiˬ gʼaˬ muiˬ dui dui-eu myawˬ guˇ tehˆ doˆ nya-eu meh.

Iˇsaˬyaˇ 55:9

Mˬ hawˇ-eu miˇ beu-eu loꞈ-ehˇ, ngaˬ-euˬ nui noeˬ hawˇ-eu ngaˬ-euˬ gaˇ ma, naw maꞈ-euˬ nui noeˬ hawˇ-eu gaˇ ma naˆ maˬ tseˇ, huiˬ dzehˬ mahˇ dzehˬ-eu ma.

Iˇsaˬyaˇ 7:11

“Bi siˬ bi mawˇ-eu jeˬ bi keuˆ le ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-awˬ. Shiˇ-eu miˇ kʼahˬ-ahˇ keuˆ ni naꞈ-euˬ miˇ oˆ paw neh laˇ-euˬ bi siˬ bi mawˇ-euˬ jeˬ maˬ ehˇ, mˬ naˆ maˬ tseˇ goˇ-eu miˇ taˆ paw-euˬ bi siˬ bi mawˇ-eu jeˬ maˬ ehˇ, tiˬ jeˬ bi keuˆ le ni shaˇ-awˬ.”

Lormav 8:39

Mˬ taˆ miˇ kʼahˬ maˬ ehˇ, miˇ oˆ miˇ kʼahˬ maˬ ehˇ, tiˬ jeˬ-iˬ maˬ laˆ pyaˆ laˇ nya-a. Kʼaˇ beh taˬ-euˬ jeˬ dawˬ tawˆ luꞈ laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni laˆ pyaˆ laˇ nya-eu tiˬ jeˬ-iˬ maˬ jaˆ-a. Gʼoeˇ-eu gaˬ-eu kʼoeˇ-aˬ, aˬ dui-euˬ Sahˬpaˬ Yeˬsuˇ Ka li baˬ da neh aˬ dui-euˬ pyeuꞈ tsehˆ tsehˆ-euˬ ma.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.