Dawqdaq 25:21 - Akha

²¹ Nawˬ-ahˇ muiˇ-eu tsawˇ haˬ hawˬ mehꞈ naˇ, hawˬ bi dzaˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Nawq-anr muir-eu tsawrhaq, Hawq maef nar-aq, dzaq-eu jeq bifnaeq-awr bidzaq-awq. Ircuf maef nar-aq, ircuf ciqnaeq-awr bidawr-awq.

Dawqdaq 25:21 ပူးပေါင်းရင်းမြစ်များ

2 Sahˬpaˬ 6:22

Eˇliˇshehˇ ehˇ-eu, “Aˬ yawꞈ maꞈ-ahˇ taˬ sehꞈ. Guiˇ deuˆ gaˇ nyehꞈ mi-euˬ yehˇ deuˬ-ahˇ kʼawꞈ, nawˇ maˬ sehꞈ ni taˬ nehˬ-euˬ maˬ ngeuˇ loˇ. Aˬ yawꞈ maꞈ-ahˇ dzaˬ dzaˬ dawˇ dawˇ liˬ nehˬ-awˇ, aˬ yawꞈ maꞈ-euˬ sahˬ paˬ jawˇ gaˇ pyehˬ kʼoꞈ gʼeh-awˬ.”

2 Laˬsaˬbaˬ 28:15

Aˬ yawꞈ maꞈ neh deuˆ za laꞈ-euˬ myawˬ deuˬ yuˇ-awˇ, aˬ yawꞈ maꞈ neh nyehꞈ laꞈ-euˬ tsawˇ haˬ deuˬ-ahˇ dm gʼaˬ dm lmˇ bi biˇ nehˬ-eu gʼaˇ duˬ, aˬ yawꞈ maꞈ-ahˇ laˆ tsoeˬ-eu aˬ yuiꞈ aˬ tsu kʼoeˇ oeˬ gʼaˬ-ahˇ tseˇ doˆ-euˬ meh. Aˬ yuiꞈ aˬ tsu kʼoeˇ oeˬ gʼaˬ-aˬ, tsawˇ haˬ kʼoeˇ deuˬ-ahˇ, mehˬ tsoeˬ deuˬ, sehˬ nawˆ deuˬ hawˇ-eu dzaˬ dzaˬ dawˇ dawˇ biꞈ loꞈ nehˬ-awˇ, maˇ kʼehˬ maˇ naˇ deuˬ-ahˇ saˬ loˬ tsiˇ lehꞈ-awˇ laˆ saˆ nehˬ-euˬ meh. Gaˇ ma maˬ cah nya-ehˇ pyeuꞈ-iˇ-euˬ deuˬ-ahˇ mahˬ tahˬ laˆ bi dziˬ-awˇ, nyehꞈ laꞈ-euˬ tsawˇ haˬ kʼoeˇ deuˬ dawˬ tawˆ luꞈ-ahˇ, Yuˇdaˆ miˇ kʼahˬ-euˬ miˇ kaˬ-ahˇ jaˆ-eu daoˇ aˇ bawˇ-euˬ meuˬ lehˇ kuˇ-eu Yeˬliˇkoˇ meuˬ-ahˇ sheuˬ ha kʼoꞈ nehˬ-iˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Saˬmaˬliˆ meuˬ-ahˇ gʼoꞈ leˇ-euˬ meh.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Dawqdaq 24:17

Nawˬ-ahˇ muiˇ-eu deuˬ kʼoeˇ taˆ guˆ-eu gaˆ-eu jeˬ keuˆ le ngeh laˬ kʼaˬ taˬ cehˇ. Aˬ yawꞈ sahˬ tiꞈ tiꞈ gaˇ laꞈ kʼawˆ taˬ tehˆ caw.

Dawqdaq 24:29

“Ngaˬ-ahˇ jahˇ nehˬ laꞈ-euˬ loꞈ-ehˇ aˬ yawꞈ-ahˇ jahˇ kʼoꞈ nehˬ ma. Aˬ yawꞈ-ahˇ kʼaˇ geuˇ-eu loꞈ-ehˇ jahˇ coeˬ nehˬ ma” lehˇ taˬ ehˇ.

Dawqdaq 25:20

Nui ma cawˆ luꞈ-eu tsawˇ haˬ mehˬ shi dawˬ caˇ caˇ mehˬ-eu jeˬ-aˬ, tsahˬ gaˆ yamˬ-ahˇ pehˇ kʼahˬ lehˆ neˇ nehˬ-awˇ, maˇ kʼehˬ maˇ naˇ-ahˇ saˬ deuꞈ sawˆ nehˬ gaˇ duˇ-eu meh.

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

1 Saˬmeuˬlaˆ 24:20

Nawˇ Iˇsaˬleˬlaˆ tsawˇ jeuˬ-euˬ sahˬ paˬ pyeuꞈ laˇ-awˇ, miˇ kʼahˬ heu kʼahˬ-ahˇ ya uˆ lahˇ daˆ leꞈ tehꞈ-a.