Dawqdaq 25:2 - Akha

² Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Kharngeur-eu jeq zaftaq-eu-aq, Miqyaer-euq yawshaef khanqsaer pyeuf-eu mae. Aerkhawf, kharngeur-eu jeq povmawr nya-eu-aq, Sanqpaq deuq-euq khanqsaer pyeuf-eu mae.

Dawqdaq 25:2 ပူးပေါင်းရင်းမြစ်များ

2 Saˬmeuˬlaˆ 1:5

Daˬbiˇ ehˇ-eu, “Sawˇluˆ hawˇ-eu Yawˇnaˆshaˬ aˬ nyaꞈ da zaˬ shiˇ-euˬ meh lehˇ nawˇ aˬ diˇ siˬ duˬ ma loˇ.”

2 Saˬmeuˬlaˆ 14:19

Sahˬ paˬ aˬ yawꞈ-ahˇ naˇ haˬ-eu, “Yoˇbaˬ neh nawˬ-ahˇ heu loꞈ-ehˇ bi ehˇ laˇ-euˬ maˬ ngeuˇ-a loˇ.” Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˬ neh kʼaˇ naˇ haˬ-euˬ jeˬ-ahˇ gaˇ jaw maˬ jaw-ehˇ dawˇ coe ni ehˇ kʼoꞈ nehˬ ma lehˇ, yaw muiˬ yaw shawˇ jeˬ dawˬ tawˆ luꞈ mehˬ shi ngaˇ kamˬ-eu ma. Aˬ joˆ-ehˇ ya mˇ ya shaˇ-awˇ, aˬ joˆ-ehˇ ya ngehˬ ya tmˇ-eu gaˇ kawˆ ngaˬ-ahˇ mehˬ nehˬ laꞈ-euˬ gʼaˬ-aˬ, maˇ maˇ ni nawˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Yoˇbaˬ meh.

Eˇzaˬlaˬ 4:15

Nawˬ-euˬ aˬ poeˬ aˬ bawˇ deuˬ neh boꞈ ahˇ taˬ yaꞈ-euˬ gaˇ kawˆ deuˬ laꞈ kʼoeˇ bi poˆ haw naˇ, Yeˬluˇsaˬlehˬ meuˬ-aˬ, aˇ hu ba neh sahˬ paˬ sahˬ ma deuˬ-ahˇ bahˬ-eu muˆ-eu meuˬ pyeuꞈ-awˇ, kʼoeˇ gaˇ jawˇ-eu tsawˇ haˬ deuˬ-ahˇ uˆ lahˇ-eu shaˬ dui dui-eu miˇ neh, meuˬ kʼoeˇ meuˬ-ahˇ laˆ luˬ laˆ seˇ nehˬ-euˬ gaˇ kawˆ boꞈ taˬ-euˬ gaˇ ya mawˇ tehꞈ-a.

Eˇzaˬlaˬ 4:19

Ngaˇ dawˬ biꞈ-awˇ, aˇ hu boꞈ ahˇ taˬ-euˬ gaˇ kawˆ deuˬ-ahˇ bi poˆ tseˇ duˬ haw ngeh, Yeˬluˇsaˬlehˬ meuˬ kʼoeˇ meuˬ aˇ hu ba neh sahˬ paˬ sahˬ ma deuˬ-ahˇ puiˬ-awˇ, miˇ kʼahˬ zahˇ sahˇ kʼoꞈ-ahˇ bahˬ-eu tsawˇ haˬ deuˬ hawˇ-eu laˆ suˬ saˬ nya-eu tsawˇ haˬ tiˬ byah ni jawˇ luꞈ-eu gaˇ kawˆ pyehˆ tseˇ duˬ-euˬ ma.

Eˇzaˬlaˬ 5:17

“Sahˬ paˬ-oˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma heu nymˇ paˇ bi tsoˆ-eu gʼaˇ duˬ sahˬ paˬ Guˇluˆ neh dawˬ biꞈ-euˬ ngeuˇ maˬ ngeuˇ-eu siˬ duˬ laˇ ni, Baˬbuˇloˬ meuˬ-ahˇ jaˆ-eu sahˬ paˬ-euˬ jaˇ laˇ sahˬ boꞈ-ahˇ bi poˆ tseˇ duˬ-awˇ, gaˇ heu hmˬ-ahˇ nga maꞈ aˬ joˆ-ehˇ ya jahˇ jiˇ nehˬ paˬ-ehˇ gʼeh-eu gaˇ kawˆ, nawˬ neh noeˬ taˬ-euˬ loꞈ-ehˇ paˇ tsaꞈ ahˇ kʼoꞈ laꞈ-awˬ.”

Eˇzaˬlaˬ 6:1

Kʼoeˇ naˇ, Baˬbuˇloˬ meuˬ-ahˇ bi jaˆ-euˬ sahˬ paˬ-euˬ sahˬ boꞈ paˇ dmˬ-ahˇ poˆ tseˇ haw-eu gʼaˇ duˬ, sahˬ paˬ Daˬliˇ dawˬ biꞈ-euˬ meh.

Yawˇbaˆ 29:16

Shaˬ zaˬ zahˬ zaˬ deuˬ gʼaˇ duˬ ngaˇ aˬ da loꞈ-ehˇ pyeuꞈ-awˇ, boeˇ miˬ siˬ kʼaˬ deuˬ shaˬ laˇ ngeh caw ba nehˬ-euˬ ma.

Yawˇbaˆ 38:4

Ngaˇ miˇ tsaˬ tahˬ kʼawˇ beh ngeh nawˇ kʼawꞈ kʼoeˇ gaˇ jawˇ teˬ loˇ. Nawˇ aˇ dzehˬ-ehˇ siˬ nya-eu tsawˇ haˬ ngeuˇ naˇ, gaˇ kawˆ kʼoeˇ ngaˬ-ahˇ dzawˇ mehˬ sheˇ.

Yawˇbaˆ 40:2

“Yawˇbaˆ-oˇ, Baoˬ huiˬ-eu Miˬyehˇ nehˬ-ehˇ ja haw mawꞈ nya lehˇ nawˇ ehˇ-eu meh. Nawˇ maˬ paˇ ja ni byehˇ nmˇ loˇ. Maˬ ngeuˇ naˇ ngaˬ neh kʼaˇ naˇ haˬ-euˬ jeˬ-ahˇ ehˇ kʼoꞈ nmˇ loˇ.”

Yawˇbaˆ 42:3

Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.

Dawqdaq 25:27

Byaˬ byaˬ uiˇ dzaˬ myaˬ naˇ uˬ pehꞈ doˆ le-eu loꞈ-ehˇ, aˬ cawˬ bi ja ceuˬ-eu gʼaˇ duˬ leh jeh-eu jeˬ yaw muiˬ maˬ ngeuˇ-a.

Dawqdaq 25:3

Sahˬ paˬ tiˬ gʼaˬ-euˬ nui noeˬ-ahˇ nawˇ maˬ siˬ jiˇ nya-a. Aˬ yawꞈ-euˬ nui noeˬ mˬ loꞈ-ehˇ goˇ-awˇ, iˬ ma laˆ shaˆ loꞈ-ehˇ naꞈ-eu miˇ neh, aˬ dui maˬ teh miˇ coeˇ-a.

Dawˬ tsoˆ 1:13

Zaˬ siˬ tsawˇ gahˇ-ahˇ gʼoe-awˇ, mˬ heu siˬ-euˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ-ahˇ pyehˆ tseˇ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ aˇ naˆ ni kah-eu nga.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

Dawˬmehˬ 29:29

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh zaꞈ taˬ-euˬ jeˬ jaˆ-eu meh. Ehˇ kʼawꞈ, aˬ yawꞈ-euˬ Zahˇ dawˬ kʼoꞈ dawˬ deuˬ aˬ dui-ahˇ pah mehˬ laꞈ-euˬ loꞈ-ehˇ, aˬ dui hawˇ-eu aˬ dui-euˬ zaˬ deuˬ mˬ maˬ maˬ byaˆ zaˇ ziˇ ya naˇ haˬ geuꞈ tehꞈ-a.