Dawqdaq 25:12 - Akha

¹² Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Narhaq geuf-eu naqbawr-euq gharduq, Tsawrganr maeqpar naeq-eu jeq-aq, Muiq-eu shuir nae janr-euq myawqgur, Hawr-eu shuir nae janr-euq naqbawr-anr geuf-eu naqyov-anr dur-eu mae.

Dawqdaq 25:12 ပူးပေါင်းရင်းမြစ်များ

2 Saˬmeuˬlaˆ 1:24

Iˇsaˬleˬlaˆ aˬ buˇ deuˬ-oˇ, Sawˇluˆ gʼaˇduˬ tsawˇngoeˇngoeˇ-awˬ. Aˇ poeˬ kʼaˆ-eu paˇ neˇ mehˬ tsoeˬ, aˬ yawꞈ naw maꞈ-ahˇ bi dm-awˇ, shuiˇ neh jahˇ taˬ-euˬ myawˬ guˇ deuˬ, naw maꞈ-ahˇ bi geuꞈ laꞈ-euˬ meh.

Yawˇbaˆ 28:17

Zaˬ siˬ tsawˇ gahˇ-aˬ, shuiˇ naˆ maˬ tseˇ aˇ poeˬ kʼaˆ-awˇ, shuiˇ myawˬ guˇ hawˇ-eu muiˬ dui dui-eu kʼaw teuꞈ ba la sehˇ neh maˬ paˇ za nya-a.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Doˆ-iˇ 32:2

Kʼoeˇ ngeh, “Naw maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ-awˇ, ngaˇ jawˇ gaˇ yuˇ laꞈ-awˬ” lehˇ, aˬ yawꞈ maꞈ-ahˇ Aˬloˬ ehˇ nehˬ-euˬ meh.

Doˆ-iˇ 35:22

Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

Dawqdaq 15:5

Da dawˬ maˬ naˇ zaˬ yo tsawˇ kʼawˇ. Da dawˬ naˇ-eu zaˬ yo tsawˇ gahˇ lahˬ-mˇ jeˇ.

Dawqdaq 20:12

Gaˬ-eu naˬ bawˇ mawˇ-eu myaˆ nuiˆ, nyiˬ jeˬ luꞈ Sahˬpaˬ Miˬyehˇ beh-euˬ meh.

Dawqdaq 9:8

Kʼahˬ sehˇ jehˆ-eu tsawˇ haˬ-ahˇ tiˬ jawˇ-iˬ taˬ mehˬ taˬ tsoˆ. Aˬ yawꞈ nawˬ-ahˇ bye tehꞈ-a. Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ-awˬ. Aˬ yawꞈ nawˬ-ahˇ yaw zeu baw tehꞈ-a.

Dawˬ tsoˆ 7:5

Aˬ dzawˬ caˇ gaˇ naˇ-eu maˬ tseˇ, zaˬ siˬ dehˬ gaˇ naˇ-eu tsaˬ meh.

Yeˬsaˬgeˬlaˇ 16:12

Naˇ mehˇ naˇ yoˆ hawˇ-eu naˬ tsiˇ naˬ yoˆ bi geuꞈ kuꞈ-awˇ, muiˬ dui dui-eu shuiˇ uˬ kʼoˆ bi kʼoˆ-euˬ ma.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.