Dawqdaq 24:9 - Akha

⁹ Tsawˇ uˬ-euˬ bawˬ toˆ iˬ baˇ gaˇ kawˆ meh. Aˬ cawˬ-ahˇ maˬ coeˬ maˬ ciˆ ni maˬ dehꞈ nya-eu tsawˇ haˬ-ahˇ tiˬ gʼaˬ-iˬ maˬ haw nahˇ-a. -24-

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yawdzawq yawgan jeq noeqdov-eu-aq, iqbax pyeuf-eu mae. Aqjaf jaf-eu tsawrhaq-aq, Aqcawq-euq gharduq nuidav davlar paq-aer ghae-eu mae.

Dawqdaq 24:9 ပူးပေါင်းရင်းမြစ်များ

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

Aˇ dahˬ 8:21

Aˬ yawꞈ neh lawˇ nehˬ-euˬ yaw saꞈ kʼoeˇ Sahˬpaˬ Miˬyehˇ-ahˇ saw leˇ ngeh, Sahˬpaˬ Miˬyehˇ nui kʼahˇ shiˇ-awˇ, yawˬ haˇ yawˬ ha heu loꞈ-ehˇ ehˇ-eu meh. “Aˬ kaˇ naˇ, tsawˇ haˬ zaˬ yaw lehˬ jeˬ mˇ-eu baˬ da neh, miˇ tsaˬ-ahˇ yaˬ kʼehˇ yaˬ-awˇ tiˬ jawˇ-iˬ maˬ paˇ kʼehˬ nehˬ ma. Tsawˇ haˬ zaˬ-euˬ nui noeˬ-aˬ, yaw nyiˇ gʼeh ngeh neh maˬ tsaˬ maˬ dawˇ-a lehˇ ngaˇ siˬ nya ma. Heu poˆ loꞈ-ehˇ, kʼaˇ dehꞈ kʼaˇ jawˇ-eu jeˬ-ahˇ ngaˇ tiˬ jawˇ-iˬ maˬ paˇ laˆ cawˆ nehˬ ma.

Jaceuq 119:113

Nawˬ-ahˇ yaw muiˬ paˬ-ehˇ saˇ jaˇ maˬ ziꞈ-eu deuˬ-ahˇ ngaˇ bye kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Dawqdaq 22:10

Nui ma huiˬ-eu tsawˇ haˬ-ahˇ yahˇ-awˬ. Tsawˇ pyehˇ pyehˇ-eu, ceh dzaˬ-eu, yaˬ kʼehˇ yaˬ-eu heu deuˬ byoˆ-iˇ jiˇ tehꞈ-a.

Dawqdaq 23:7

Yaw myaˬ myaˬ-ehˇ dzaˬ-awˬ lehˇ aˬ yawꞈ ehˇ kʼawꞈ, aˬ diˇ aˬ maˇ kʼoeˇ loꞈ-ehˇ ehˇ mawꞈ-eu maˬ ngeuˇ-a. Aˬ yawꞈ-euˬ nui ma laꞈ kʼoeˇ noeˬ luꞈ-eu jeˬ, aˬ yawꞈ kʼaˇ ngeuˇ-eu ngeuˇ meh.

Dawqdaq 24:8

Nawˇ aˬ myah luꞈ yaw haiˬ jeˬ tehꞈ-ehˇ toˆ naˇ, miˇ kʼahˬ-ahˇ coeˬ-eu tsawˇ haˬ lehˇ aˬ cawˬ nawˬ-ahˇ myahˇ tehꞈ-a.

Dawqdaq 29:8

Aˬ cawˬ gʼaˇ duˬ maˬ shaˇ noeˬ-eu tsawˇ haˬ, meuˬ meuˬ lah-ehˇ laˆ shaˬ nya-awˇ, zaˬ siˬ tsawˇ gahˇ ahˇ-eu tsawˇ haˬ iˬ dehˬ iˬ ceh laˆ byoˆ nya-eu meh.

Dawqdaq 9:7

Kʼahˬ sehˇ jehˆ-eu tsawˇ haˬ-ahˇ dzaw paˇ-eu gʼaˬ, dawˬ doeˇ ya daˬ-awˇ, aˬ dzawˬ aˇ gah-ahˇ mehˬ paˇ-eu gʼaˬ, laˆ tahˬ laˆ naˇ laˇ gaˇ ya daˬ tehꞈ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Gʼaˬkʼehˇ 8:22

Haiˬ dui dui-eu nawˬ-euˬ nui noeˬ teu hmˬ noeˬ paˇ-awˬ. Kʼoeˇ loꞈ-ehˇ noeˬ-eu jeˬ-ahˇ iˬ baˇ pyehˬ nehˬ laꞈ ni, SahˬpaˬMiˬyehˇ-ahˇ guiˬ lahˬ shaˇ-awˬ.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.