Dawqdaq 24:7 - Akha

⁷ Dawˬ tsuiꞈ naꞈ-eu dawˬ daˬ-ahˇ aˬ dzawˬ aˇ gah deuˬ maˬ gʼoˆ shaw nya-a. Gaˇ kawˆ yaw huiˬ ja uˇ ngeh, aˬ yawꞈ dawˬ ngehˬ tsaˬ maˬ siˬ-a. -23-

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Zaqsiq tsawrganr-aq, Aqdzawq argan-euq gharduq, Ardzaeq-aer gor-eu jeq pyeuf-eu mae. Aqyawf, lanrkhaeq-anr jawr ngae, Dawq ngaeq-eu laer khaqmae maq mrnga-a.

Dawqdaq 24:7 ပူးပေါင်းရင်းမြစ်များ

Yawˇbaˆ 31:21

Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,

Yawˇbaˆ 5:4

Aˬ yawꞈ maꞈ-euˬ aˬ li deuˬ tahˬ shaˇ duˬ maˬ poˆ mawˇ nya-a. Yaˇ kʼaˬ daˇ-eu nymˇ-ahˇ aˬ yawꞈ maꞈ paw pyawˬ-eu gʼaˬ maˬ jawˇ-a.

Jaceuq 10:5

Haiˬ-eu tsawˇhaˬdehꞈdzaˬlaˇ-awˇ, Miˬyehˇyaˇkʼaˬdaˇ-eu gaˇkawˆ, noeˬsiˬnoeˬmawˇ-eu maˬbaw-ehˇ. Aˬyawꞈ-ahˇmuiˇ-eu tsawˇhaˬ-ahˇ, cehꞈlehꞈ ka niˇgʼa haw-eu meh.

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.

Dawqdaq 14:6

Kʼahˬ sehˇ jehˆ-eu tsawˇ haˬ tsawˇ gahˇ maˬ ahˇ laˇ-a. Noeˬ mawˇ nya-eu tsawˇ haˬ tsawˇ gahˇ ahˇ laˇ-eu yaw awˬ meh.

Dawqdaq 15:24

Zaˬ siˬ gaˇ ma dehꞈ-eu saꞈ laˇ, shiˇ-eu miˇ kʼahˬ jaw dzeuˇ-eu meh.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawqdaq 17:24

Noeˬ siˬ noeˬ mawˇ nya-eu gʼaˬ zaˬ siˬ tsawˇ gahˇ-ahˇ haw tsoˆ taˬ-awˇ, dawˇ ga gʼaˬ mˬ dzeˇ miˇ dzeˇ-ahˇ baꞈ leuˇ haw-eu meh.

Dawqdaq 17:7

Tsawˇ doeˇ kʼaˬ meh dawˬ muiˬ maˬ doˆ-ehˇ, tsawˇ muiˬ kʼaˬ meh dawˬ lehˬ maˬ tmˇ-a.

Dawqdaq 22:22

Nawˇ gʼeh nya-eu miˇ neh shaˬ zaˬ zahˬ zaˬ-ahˇ taˬ kʼaˬ gʼa. Laꞈ jeuˬ shaˇ kʼaˇ maˬ za-eu deuˬ-ahˇ yaˇ kʼaˬ ja gʼaˬ-eu taˬ leh jeh.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

Dawqdaq 31:23

Aˬ yawꞈ-euˬ kʼaˬ dzeˇ zaˬ-aˬ, miˇ kʼahˬ-ahˇ tsawˇ myahˇ doˆ-eu aˬ yuiꞈ aˬ tsu tiˬ gʼaˬ pyeuꞈ-eu meh.

Iˇsaˬyaˇ 29:21

Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.