Dawqdaq 24:5 - Akha

⁵ Zaˬ siˬ tsawˇ gahˇ ahˇ-eu jeˬ-aˬ, gʼaˬ kʼaˆ-eu jeˬ naˆ maˬ tseˇ poeˬ-eu meh. Tsawˇ gahˇ-aˬ, gʼaˬ naˆ maˬ tseˇ poeˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Tsawrganr anr-eu tsawrhaq-aq, Ghaq khav-awr, siqnya-eu tsawrganr anr-eu tsawrhaq khawf, Ghaq par anrdzaeq lar-eu mae.

Dawqdaq 24:5 ပူးပေါင်းရင်းမြစ်များ

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Dawqdaq 10:29

Yaw sui yaw dawˇ deuˬ-ahˇ Sahˬpaˬ Miˬyehˇ haw piˇ-awˇ, yaw haiˬ jeˬ mˇ-eu deuˬ-ahˇ aˬ yawꞈ laˆ cawˆ-eu meh.

Dawqdaq 21:22

nui gahˇ ahˇ-eu guiˇ dzoeˬ tiˬ gʼaˬ, ziꞈ dah ni loꞈ piˇ taˬ-euˬ meuˬ-ahˇ deuˆ gʼaˬ-awˇ, meuˬ lahˇ deuˆ byaˆ tehꞈ-a.

Dawqdaq 24:6

Nawˇ guiˇ maˬ deuˆ mi naˆ-ehˇ, guiˇ aˬ joˆ-ehˇ deuˆ nmˇ lehˇ jeˬ huˬ ya sawˇ duˬ-eu meh. Muiˬ-eu byah-eu dawˬ mehˬ dawˬ tsoˆ za myaˬ naˇ, guiˇ deuˆ gʼaˬ-eu yaw duˬ baw meh. -22-

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

Dawˬ tsoˆ 7:19

Meuˬdzoeˬsahˬpaˬ tseˇgʼaˬ maˬtseˇ, zaˬ siˬ tiˬ gʼaˬ baoˬ huiˬ-eu meh.

Iˇsaˬyaˇ 36:5

Aˬ yawꞈ ehˇ-eu, “Guiˇ deuˆ-eu tsawˇ gahˇ hawˇ-eu baoˬ maˬ jaˆ gaˇ, mehˬ boeˬ neh gʼaˬ leˇ nya ma lehˇ naw maꞈ noeˬ te loˇ. Aˬshuˇliˆ tsawˇ jeuˬ-ahˇ naw maꞈ ciˬ cehˆ nya ni, naw maꞈ-ahˇ aˬ suˇ gʼaˬ caw ba le gaˇ noeˬ muiˬ luꞈ te.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.