Dawqdaq 23:6 - Akha

⁶ Tsawˇ tsiˇ-euˬ hawˬ jeh-ahˇ hawˬ jawˬ taˬ jawˬ leˇ. Aˬ yawꞈ neh shaˇ dahˇ taˬ-euˬ dzaˇ yaw kuiˇ-ahˇ nui kʼahˇ taˬ jaˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsawrtsir-euq hawqje-anr, dzaq-eu laer hawqjawq taqjawq. Aqyawf nae shardanr taq-euq dzarkuir-anr nuikhanr taqjav.

Dawqdaq 23:6 ပူးပေါင်းရင်းမြစ်များ

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

Dawqdaq 22:9

Tsawˇ tsiˇ maˬ tsiˇ ni shaˬ zaˬ zahˬ zaˬ-ahˇ bi dzaˬ bi dawˇ-awˬ. Nawˇ guiˬ lahˬ za tehꞈ-a.

Dawqdaq 23:3

Aˬ yawꞈ neh shaˇ dahˇ taˬ-euˬ dzaˇ muiˬ deuˬ-ahˇ nui kʼahˇ taˬ jaˆ. Aˬ yawꞈ nawˬ-ahˇ tsawˇ gahˇ gahˇ-eu maˬ siˬ. -7-

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Maˬkuˆ 7:22

aˬ cawˬ-euˬ miˬ zaˬ yo zaˬ-ahˇ bahˬ-eu, aˬ cawˬ-euˬ myawˬ-ahˇ mehˇ juiˇ juiˇ-eu, yaw haiˬ jeˬ mˇ-eu, jaˬ myawꞈ myawꞈ-eu, smˇ kʼaˆ kʼaˆ-eu, myaˆ naˆ-eu, ja bu ja doeˇ-eu, nui ma huiˬ-eu mahˇ-eu, aˬ dzawˬ aˇ gah gah-eu, heu loꞈ-ehˇ gʼeh-eu deuˬ meh.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 28:56

Smˇ muiˬ muiˬ dui dui-eu miˇ neh, tsawˬ dahˬ laꞈ nyiˇ maˬ doˆ-iˇ ni nahˬ jawˆ ni dehꞈ-euˬ zaˬ miˬ zaˬ kʼawꞈ, kʼoeˇ loꞈ-ehˇ ya dzaˬ ya dawˇ gaˇ keuˆ tehꞈ-a. Aˬ yawꞈ jawˇ-eu meuˬ-ahˇ muiˇ-eu deuˬ neh bi jawˬ lahˇ taˬ ngeh, dzaˬ-eu maˬ jaˆ-ehˇ li laˇ-awˇ, dehꞈ le-euˬ tiˬ dehˬ pyeuꞈ-euˬ aˬ yawꞈ-euˬ zaˬ nahˬ hawˇ-eu zaˬ jawˇ cawˬ deuˬ-ahˇ, ciˬ cuˇ ni ya dzaˬ kʼoeˬ gaˇ keuˆ tehꞈ-a. Aˬ yawꞈ gaˬ-eu aˬ yawꞈ-euˬ kʼaˬ dzeˇ zaˬ-ahˇ maˬ ehˇ, aˬ yawꞈ-euˬ zaˬ deuˬ-ahˇ maˬ ehˇ, biꞈ-awˇ maˬ bi dzaˬ peuˬ ni tsawˇ tsiˇ tsiˇ tehꞈ-a.