Dawqdaq 23:4 - Akha

⁴ Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Smrmuiq muiqlarni taef-aer mr-eu ardzaeq-aer taq laejae. Yawqha ghovshaw nya-eu jeq-euq baqda’nae, Naq paq-aer ghae ngae naq-awq.

Dawqdaq 23:4 ပူးပေါင်းရင်းမြစ်များ

Yawˇbaˆ 27:19

Aˬ yawꞈ maꞈ smˇ muiˬ muiˬ-awˇ yuꞈ kʼaˆ-eu meh. Ehˇ kʼawꞈ, uˬ noeˬ noeˬ laˇ ngeh aˬ yawꞈ maꞈ-euˬ pyuˇ shuiˇ myawˬ gahˬ maˬ jaˆ-a.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Dawqdaq 27:24

Aˬ jeˬ miˇ neh ehˇ naˇ, pyuˇ shuiˇ myawˬ gahˬ aˬ myah luꞈ maˬ gmˬ-ehˇ, miˇ kʼahˬ kʼawꞈ aˬ myah luꞈ maˬ ziꞈ-a.

Dawqdaq 28:20

Yaw sui yaw dawˇ tsawˇ haˬ ya dzaˬ ya dawˇ dehˆ-awˇ, nui saˇ oꞈ gaˇ ya dehꞈ keuˆ tehꞈ-a. Ehˇ kʼawꞈ, tiˬ kʼehˇ kʼehˬ tehꞈ-ehˇ smˇ muiˬ muiˬ laˇ-eu jeˬ-ahˇ poˆ-eu tsawˇ haˬ shaˬ zahˬ maˬ dehꞈ dzeuˇ nya-a.

Dawqdaq 3:5

Nawˬ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ gʼoe-awˬ. Yawˬ ha bym-eu byehˆ-eu jeˬ-ahˇ taˬ gʼoe.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Yeˬlaˬmiˇ 9:22

Deh ga-ahˇ mawˇ neˇ ceˬ ga-eu loꞈ-ehˇ, cehˇ yehˬ dzeh-awˇ cehˇ diꞈ maˬ ya uiˬ-euˬ loꞈ-ehˇ, yawˬ gaˇ na luꞈ tsawˇ haˬ yaw shiˇ ga tehꞈ-a lehˇ, Sahˬpaˬ Miˬyehˇ ngaˬ-ahˇ bi ngehˬ laꞈ-euˬ meh.”

Maꞈtehˬ 6:19

“Naw maꞈ yawˬ ha gʼaˇ duˬ miˇ tsaˬ kʼoeˇ taˆ pyuˇ shuiˇ myawˬ gahˬ taˬ poˆ uiˬ taˬ. Miˇ tsaˬ kʼoeˇ taˆ poˆ uiˬ taˬ naˇ, shmˇ kaw kaw leˇ nya, boeˬ dzaˬ leˇ nya-awˇ, smˇ kʼoeˬ kʼawꞈ kʼoeˬ nya meh.

Maˬkuˆ 4:19

Ehˇ kʼawꞈ, yaw dehꞈ dehꞈ-eu gaˇ kawˆ kʼahˬ lahˇ-eu jeˬ, pyuˇ shuiˇ myawˬ gahˬ-ahˇ gaˬ-eu jeˬ hawˇ-eu, miˇ tsaˬ kʼoeˇ taˆ nui kʼahˇ kʼaˇ jaˆ-eu jeˬ dawˬ tawˆ luꞈ keuˆ le teuˇ le ngeh, Miˬyehˇ-euˬ dawˬ kawˬ-ahˇ uˆ tehˬ-awˇ, aˇ siˬ maˬ siˬ le nya-a.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.