Dawqdaq 23:29 - Akha

²⁹ Yawˬ haˇ yawˬ ha nui ma cawˆ-eu tsawˇ haˬ, nui saˇ maˬ oꞈ-eu tsawˇ haˬ, aˬ cawˬ-ahˇ ceh cawˬ cawˬ-eu tsawˇ haˬ, aˬ cawˬ-ahˇ nui kʼahˇ maˬ shiˇ-eu dawˬ ngehˬ-eu tsawˇ haˬ, myaˆ nuiˆ neˇ kah ni gʼeh-eu tsawˇ haˬ, gaˇ dahˇ maˬ tsoeˬ gaˇ laˆ tahˬ laˆ naˇ-eu tsawˇ haˬ aˬ suˇ gʼaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Ghawqshaq-aer ghaesaef-eu aqsur ghaq la? Nuima cawvsaef-eu aqsur ghaq la? Aqcawq-anr caecawq shar-eu aqsur ghaq la? Dawqghof dov-eu aqsur ghaq la? Gardanr maqtsoeq-eu gar marnar baw-eu aqsur ghaq la? Myavnuiv nerkanni ghae-eu aqsur ghaq la?

Dawqdaq 23:29 ပူးပေါင်းရင်းမြစ်များ

Aˇ dahˬ 19:33

Kʼoeˇ ngeh miˇ, aˬ nyaꞈ nmˇ aˬ da gʼaˬ-ahˇ aˬ gaꞈ dzaˇ uiˇ bi dawˇ yehꞈ-awˇ, aˬ buˇ aˬ yuiꞈ gʼaˬ aˬ da gʼaˬ nehˬ-ehˇ yuꞈ taꞈ-euˬ meh. Ehˇ kʼawꞈ, aˬ da gʼaˬ aˬ gaꞈ dzaˇ uiˇ yehꞈ dui dui-eu miˇ neh, aˬ joˆ-ehˇ pyeuꞈ laˇ-euˬ gaˇ kawˆ tiˬ pawꞈ-iˬ maˬ siˬ nya-a.

Aˇ dahˬ 49:12

Aˬ yawꞈ-euˬ myaˆ nuiˆ neˇ laˇ ngeh keuˆ ni, aˬ gaꞈ dzaˇ uiˇ aˬ yawꞈ ya dawˇ tehꞈ-a. Aˬ yawꞈ-euˬ seuˬ ba ceuˬ ni pyeuꞈ laˇ ngeh keuˆ ni, mawˇ neˇ aˬ coeˇ aˬ yawꞈ ya dawˇ tehꞈ-a.

2 Saˬmeuˬlaˆ 11:13

Daˬbiˇ aˬ yawꞈ-ahˇ ciꞈ hawˬ kuˇ dzaˬ-awˇ, aˬ gaꞈ dzaˇ uiˇ bi dawˇ yehꞈ-euˬ meh. Ehˇ kʼawꞈ, kʼoeˇ ngeh miˇ kʼawꞈ Uˇliˇyaˆ iˇ kahˇ maˬ gʼoꞈ-iˇ-ehˇ, sahˬ paˬ-euˬ nymˇ-ahˇ loꞈ piˇ-eu guiˇ maꞈ jawˇ-eu lawˆ-ahˇ, guiˇ deuˆ ngeh yuꞈ-eu aˬ yawꞈ-eu yuꞈ zaˇ aˇ bui kʼoeˇ taˆ yuꞈ-euˬ meh.

2 Saˬmeuˬlaˆ 13:28

Aˬbaˇsaˬloˬ-aˬ, aˬ yawꞈ-euˬ zaˬ kʼaˆ deuˬ-ahˇ heu loꞈ-ehˇ mehˬ gahˇ taˬ-euˬ meh. “Aˬmaˬnoˬ gʼaˬ aˬ geu ngeh dzaˬ yehꞈ dawˇ yehꞈ nga loˇ lehˇ yaw muiˬ paˬ-ehˇ haw coeˇ taˬ-awˇ, aˬ yawꞈ-ahˇ sehꞈ-awˬ lehˇ ngaˇ ehˇ naˇ, tiˬ poˆ tehꞈ-ehˇ sehꞈ-awˬ. Tiˬ jeˬ-iˬ taˬ guˆ. Yawˬ jeˬ na luꞈ ngaˇ kamˬ ma. Maˬ nyi naˬ ni nui ma yaw tsehˆ tsehˆ-ehˇ noeˬ-awˇ mˇ-awˬ.”

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 23:20

Jiˇ baˬ dawˇ yehꞈ-eu deuˬ hawˇ-eu dzaˬ boˆ dawˇ boˆ boˆ-eu deuˬ nehˬ-ehˇ mehˬ bawˬ taˬ mˇ.

Dawqdaq 23:21

Dzaˬ yehꞈ dawˇ yehꞈ-eu jeˬ shaˬ le zahˬ le-eu gaˇ ma pyeuꞈ-eu meh. Dzaˬ-eu hawˇ-eu yuꞈ-eu tehꞈ-ehˇ nawˇ siˬ nya naˇ, mehˬ tsoeˬ pehˇ cehˇ ya dm gaˇ keuˆ tehꞈ-a. -16-

Iˇsaˬyaˇ 5:11

Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 5:22

Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.