Dawqdaq 23:26 - Akha

²⁶ Ngaˬ li-oˇ, nui ma laꞈ kʼoeˇ ngaˬ-ahˇ haw tsoˆ taˬ-awˇ, ngaˬ-euˬ dehꞈ jeˬ dehꞈ kawˆ-ahˇ dzaw geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Ngaq-euq zaqyo-or! Nawq-euq nuima, ngaq-anr bifnaeq laf-awr, Nawq-euq myavnuiv, ngaq-euq garma-anr hawtsov taq-awq.

Dawqdaq 23:26 ပူးပေါင်းရင်းမြစ်များ

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 119:24

Nawˇ mehˬ-eu tsoˆ-eu dawˬ deuˬ ngaˬ-ahˇ bi noeˬ gahˇ-awˇ, dawˬ kʼoeˇ deuˬ-ahˇ ngaˇ laˬ kʼaˬ cehˇ-eu ma.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Dawqdaq 4:4

ngaˬ da ngaˬ-ahˇ heu loꞈ-ehˇ mehˬ nehˬ laꞈ-euˬ meh. Ngaˬ-euˬ dawˬ-ahˇ nui ma laꞈ kʼoeˇ maˬ ngehˇ ni juiˇ taˬ-awˇ, ngaˇ mehˬ-eu jeˬ-ahˇ ziꞈ dah ni tuˆ tehˬ-awˇ dehꞈ-awˬ.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

2 Gawˇliˬtu 8:5

Kʼoeˇ-aˬ, nga maꞈ neh noeˬ tmˬ taˬ-euˬ taꞈ-ehˇ dzehˬ leˇ taˬ-euˬ jeˬ pyeuꞈ-eu meh. Yaw beh tiˬ tiˆ, aˬ yawꞈ maꞈ-euˬ gʼawˇ mawˇ Sahˬpaˬ Yeˬsuˇ-ahˇ a nehˬ-euˬ meh. Nyiˬ tiˆ tiˬ tiˆ, Miˬyehˇ nui ma tsaˬ-eu loꞈ-ehˇ aˬ yawꞈ maꞈ-euˬ gʼawˇ mawˇ nga maꞈ-ahˇ a nehˬ laꞈ-euˬ meh.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.