Dawqdaq 23:20 - Akha

²⁰ Jiˇ baˬ dawˇ yehꞈ-eu deuˬ hawˇ-eu dzaˬ boˆ dawˇ boˆ boˆ-eu deuˬ nehˬ-ehˇ mehˬ bawˬ taˬ mˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Jirbaq dawryaef-eu deuq hawr-eu, Shaqjir dzaqbov bov-eu deuq naeq-aer taq keuqler.

Dawqdaq 23:20 ပူးပေါင်းရင်းမြစ်များ

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 21:17

Dzaˬ kuiˇ dawˇ kuiˇ gaˇ gaˬ-eu deuˬ, smˇ muiˬ maˬ muiˬ laˇ nya-a.

Dawqdaq 23:2

Kuiˇ dui dui-eu dzaˇ miˇ-a lehˇ noeˬ-awˇ tiˬ dehˆ taˬ dzaˬ.

Dawqdaq 28:7

Miˇ kʼahˬ zahˇ sahˇ kʼoꞈ-ahˇ yaw muiˬ paˬ-ehˇ caw teh-eu zaˬ guˬ-aˬ, tsawˇ gahˇ ahˇ-eu meh. Gaˇ dahˇ maˬ tsoeˬ-eu deuˬ nehˬ-ehˇ cawˬ cawˬ-eu gʼaˬ-aˬ, aˬ da-euˬ nui ma-ahˇ laˆ shaˬ nehˬ-eu meh.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 5:11

Uˬ shawˬ yaw naꞈ-ehˇ tuˇ-awˇ jiˇ baˬ dawˇ-awˇ, uˬ ciꞈ mya-iˇ ngeh keuˆ ni dawˇ yehꞈ-eu tsawˇ haˬ deuˬ, ya noeˬ shaˬ dui dui tehꞈ-a.

Iˇsaˬyaˇ 5:22

Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Maꞈtehˬ 24:49

Kʼoeˇ naˇ, aˬ yawꞈ-euˬ cawˬ zaˬ kʼaˆ kʼoeˇ deuˬ-ahˇ aˬ yawꞈ diˬ-awˇ, dzaˬ yehꞈ dawˇ yehꞈ-eu tsawˇ haˬ deuˬ nehˬ-ehˇ dzaˬ byawˬ dawˇ byawˬ byawˬ byawˬ-ehˇ jawˇ naˇ,

Luˇkaꞈ 15:13

Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Lormav 13:13

Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Dawˬmehˬ 21:20

‘Nga pehˬ-euˬ aˬ li heu gʼaˬ-aˬ, nui ma gʼahˇ-awˇ, aˬ ma aˬ da-euˬ ehˇ dawˬ maˬ naˇ haˬ ni, aˬ ma aˬ da-ahˇ puiˬ-eu uˬ taꞈ, pyuˇ zmˬ dzeh-awˇ, jiˇ baˬ dawˇ yehꞈ dawˇ yehꞈ-ehˇ jawˇ-eu aˬ li tiˬ gʼaˬ pyeuꞈ-eu meh’ lehˇ, aˬ yuiꞈ aˬ tsu kʼoeˇ deuˬ-ahˇ aˬ ma aˬ da ya ehˇ nehˬ meh.