Dawqdaq 23:10 - Akha

¹⁰ Aˇ hu ba neh tsaˬ tsoˆ taˬ-euˬ miˇ kaˬ tiˬ jawˇ-iˬ taˬ teh jiˆ. Muˇ coe aˬ nmˇ-euˬ miˇ tsaˬ taˬ kʼaˆ geuꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Arhuba nae tsaqtsov taq-euq, mirkaq-euq lotsov taq lavjiv. Murcoeq aqnmr-euq mirtsaq-anr taq yurgeufnaeq.

Dawqdaq 23:10 ပူးပေါင်းရင်းမြစ်များ

Yawˇbaˆ 22:9

Miˬ coeˬ miˬ ma deuˬ-ahˇ nawˇ ngehˬ maˬ gʼeh ni byehˇ taˬ-euˬ uˬ taꞈ, muˇ coeˬ aˬ nmˇ deuˬ-ahˇ nawˇ kʼaˆ dzaˬ-awˇ yehˬ bawˬ-ehˇ gʼeh nehˬ-euˬ meh.

Yawˇbaˆ 24:9

Haiˬ-eu tsawˇ haˬ deuˬ aˬ da maˬ baw-eu zaˬ deuˬ-ahˇ zaˬ kʼaˆ bi geuꞈ-awˇ, shaˬ zaˬ zahˬ zaˬ-euˬ aˬ buˇ aˬ li deuˬ-ahˇ dziˇ dzoˆ sawˇ geuꞈ-eu meh.

Yawˇbaˆ 6:27

Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.

Jaceuq 94:6

Miˬ coeˬ miˬ ma hawˇ-eu muˇ coe aˬ nmˇ deuˬ-ahˇ aˬ yawꞈ maꞈ sehꞈ-awˇ, nga maꞈ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ sehꞈ-eu meh.

Doˆ-iˇ 22:22

Miˬ coeˬ miˬ ma deuˬ hawˇ-eu muˇ coe aˬ nmˇ deuˬ-ahˇ yehˬ bawˬ sehˇ lu-ehˇ maˬ ya gʼeh-a.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Dawqdaq 22:28

Nawˬ-euˬ aˬ poeˬ aˬ bawˇ deuˬ neh tsaˬ tsoˆ taˬ yaꞈ-euˬ miˇ kaˬ-ahˇ, tiˬ jawˇ-iˬ taˬ laˆ jiˆ. -5-

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 7:5

“Naw maꞈ dehꞈ jeˬ dehꞈ kawˆ paˇ-awˇ, naw maꞈ mˇ luꞈ shaˇ luꞈ-eu jeˬ-ahˇ byehˇ-awˬ. Tiˬ gʼaˬ tiˇ gʼaˬ dehꞈ tsaˬ dehꞈ tsahˇ geuꞈ-awˬ.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Zaˬkaˬliˇ 7:10

Miˬ coeˬ miˬ ma deuˬ, muˇ coe aˬ nmˇ deuˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, shaˬ-eu zahˬ-eu tsawˇ haˬ deuˬ-ahˇ taˬ kʼehˬ taˬ kʼaˆ nehˬ. Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ’ lehˇ dawˬ biꞈ-euˬ ma.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Dawˬmehˬ 19:14

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ-ahˇ yaw beh neh jaˆ luꞈ-eu yawˬ ha nehˬ-ehˇ nymˇ kaˬ taꞈ-eu tsawˇ haˬ-euˬ miˇ kaˬ maˬ ya teh jiˆ-a.

Dawˬmehˬ 27:17

“ ‘Yawˬ ha-ahˇ nymˇ kaˬ taꞈ-eu tsawˇ haˬ-euˬ nymˇ kaˬ teh jiˆ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu je keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.